Елорда • 26 Қазан, 2020

Жәңгірдің он бір досы⠀

37 рет көрсетілді

Нұр-Сұлтан қаласындағы Назарбаев Зияткерлік мектебінің еріктілері елордадағы балалар үйінің және SOS балалар ауылының тәрбиеленушілерімен кездесіп, гитарада ойнауға үйретіп, сыйлықтарын табыстады, деп хабарлайды Egemen.kz

Назарбаев Зияткерлік мектебінің 11-сынып оқушысы  Жәңгір Мұрат "Волонтерлік жобаларды қолдау" байқауында грант жеңіп алған болатын. Карантин уақытында зияткер аз қамтылған отбасылардың балалары мен балалар үйінің тәрбиеленушілеріне тегін гитарада ойнау сабақтары мен ағылшын тілі курстарын жүргізген.⠀

Байқаудан соң Жәңгір жанына Сұлтан Мұратбек, Жақсылық Жеңіс  және өзге де ниеттес, пікірлес достары қосылған еріктілер тобын құрды. Бүгінде олардың қатары он бірге жетті. ⠀

– Еріктілердің жеке жобасына емес, қоғамға пайдалы болуына мән берілген байқау аясында белсенді жастармен бірге балалар үйінің тәрбиеленушілеріне арнап тегін гитара үйірмесі өткізіледі. Одан бөлек үйірменің кестесіне сай ZOOM платформасында ағылшын тілінен де дәрістер жүргізіледі. Келесі жылы басқа да үйірмелерді ашуға өз тарапымыздан қолғабыс тигізетін боламыз, дейді Жастар саясаты басқармасының басшысы Дәулет Кәрібек.⠀

– Біздің алдағы мақсатымыз – әртүрлі мектептерден оқушылар жинап, белсенді еріктілер тобының жұмысын қала деңгейінде біріктіру, дейді НЗМ оқушылары.⠀

 

Соңғы жаңалықтар

"Барыс" ұтты-ау, әйтеуір

Спорт • Бүгін, 19:42

Мереке қарсаңындағы марапат

Аймақтар • Бүгін, 16:06

COVID-19: Вакцина бағасы қандай болмақшы?

Коронавирус • Бүгін, 15:13

Алдағы күндері аяз болады

Аймақтар • Бүгін, 11:25

Елордада STEM олимпиадасы өтті

Аймақтар • Бүгін, 10:30

Ұқсас жаңалықтар