Бүгін осы планшеттердің алтауы қызылордалық оқушыларға табыс етілді. Ерекше тоқталып өтетін жайт, Кәсіпкерлер палатасы өздігінен планшет немесе ноутбук қажет отбасылардың тізімін жасақтамайды. Тізімде бар-жоғын білгісі келетін отбасылар www.qoldau.edu.kz сайтынан балаларының ЖСН нөмірінің соңғы 6 санын теріп тексере алады. Ал балаларды тізімге қосу жұмыстарын мектептердің әлеуметтік педагогтары аудандық немесе қалалық білім бөлімі арқылы жүзеге асырады.
Басты мақсат – мектеп білімінің онлайн режимге өтуіне байланысты Қазақстандағы мүмкіндігі шектеулі, жетім, ата-анасының қамқорлығынсыз қалған балаларды, сондай-ақ аз қамтылған отбасылардан шыққан балаларды қажетті техникамен, атап айтар болсақ, бастауыш сынып оқушыларын планшетпен, жоғарғы сынып оқушыларын ноутбукпен қамтамасыз ету.
