Сондай-ақ биылғы жылдың 10 айының қорытындысы бойынша қару айналымы саласындағы заңнаманы бұзғаны үшін 777 азаматтық қару иесі әкімшілік жауапкершілікке тартылды. Мұнымен қатар қару сақтау ережелерінің 504 рет бұзылған дерегі және қаруды тіркеу (қайта тіркеу) ережелерін бұзған 273 дерек тіркелді. Ақтөбе облыстық полиция департаментінің басшысы Арыстан Атығаевтың хабарлауынша, бұдан басқа заңсыз айналымнан 106 бірлік қару алынды (оның ішінде ойық – 4, тегіс ұңғылы – 92, газды – 1, травматикалық – 3, пневматикалық – 5, сигналдық-1).
Осылайша қаңтар-қазан айының ішінде Ақтөбе облысының азаматтары жалпы сомасы 3 миллион 555 мың теңгені құрайтын 63 бірлік (ойық – 5, тегіс ұңғылы – 56, травматикалық – 2) атыс қаруын және ойық ұңғылы қаруға арналған 517 патронды полицияға өз еріктерімен келіп тапсырған.
