"Иранның Горган қаласында онлайн түрде қазақ тілін үйрету сыныбы ашылып, Иран қазақтары тарихи оқиғаның орын алғанын сезді. Қандай қуанышты күн еді! Жастардың қуаныштары қойындарына сыймай тұрғаны көздерінен білініп-ақ тұрды. Осындай сезімдер дүние жүзіндегі барлық қазақтарға бұйыруын армандаймын.
⠀
Отандастар қорына жəне де Горган қаласындағы Қазақстанның бас консулы Айтжан Айдашев ағаға қазақтың өсіп-өркендеуі жолында атқарып жатқан жұмыстары үшін арнайы рахметімді жеткізуді өзіме борыш санаймын. Осыған қоса Иранда осы жұмысты ұйымдастыруға тырысып жүрген аға-апайларға алғыс айтамыз.
⠀
Отандастар қорының Жастар клубына қатысқалы бері өз отаныма деген көзқарасым өзгерді. Отандастар қорының бағдарламаларының арқасында дүние жүзіндегі қазақ жастарының барлығы бір-бірімен танысып, ауызбірлігі артып, сана мен сəніміз жарасатынына үміттенемін. Осы танысу мен қарым-қатынастардың нəтижесінде таным-біліміміз жаңарып, соңында еліміздің дамуына себеп болсын", - дейді Горган университеті колледжі студенті Шахира Ескелді Рахманқызы.
⠀
Айта кетейік, Шахира Ескелді Рахманқызы 1996 жылы Иран мемлекетінде дүниеге келіп, сонда өмір сүріп жатқан қандасымыз. Горган қаласындағы университеттің ағылшын тілі мұғалімін дайындайтын колледж студенті.
