Байқаудың мақсаты - Қазақстан Республикасының Тұңғыш Президенті күніне арналған мерекелік іс-шараға дайындық шеңберінде, ұлттық музыка мәдениетінің жетістіктерін насихаттау, қызметкерлерді патриоттық, адамгершілік-эстетикалық тұрғыда тәрбиелеу, олардың мәдени және рухани деңгейін арттыру, Қазақстан полициясының оң имиджін нығайту болып табылады, деп хабарлайды Маңғыстау облысы бойынша ҚАЖД кадр саясаты бөлімшесі.
Байқауға Маңғыстау облысы бойынша Қылмыстық-атқару жүйесі департаментіне бағынысты мекемелердің қызметкерлері қатысып, олар Қазақстан Республикасының Тұңғыш Президенті - Елбасы Н.Ә. Назарбаевтың сүйікті әндерін орындады.
Мысалы, ГМ-172/6 мекемесінің режим бөлімінің жедел уәкілі әділет лейтенанты Сұлтан Мұздыбек "Үш қоңыр" әнін орындаса, ГМ-172/8 мекемесінің сотталғандардың еңбегін ұйымдастыру тобының инспекторы әділет лейтенанты Тимур Кулбаев домбырамен "Беу айдай" әнін орындады. Сондай-ақ ГМ-172/10 мекемесінің арнайы бөлімінің бастығы әділет майоры Алмажай Битимова "Когда придет весна" әнін, ГМ-172/10 мекемесінің режим және күзет бөлімінің бақылаушысы әділет кіші сержанты Қуатжан Базарбаев "Көзімнің қарасы" әнін шырқады.
Байқау қорытындысы бойынша, ГМ-172/10 мекемесінің арнайы бөлімінің бастығы әділет майоры Алмажай Битимова І орынға ие болды. Қызметкерлер Департамент бастығының дипломдарымен марапатталды. Байқау женімпазы А.Битимова Қазақстан Республикасының Тұңғыш Президенті күні қарсаңында өтетін республикалық онлайн байқауға қатысуға жолдама алды.
Маңғыстау облысы
