Қазақстан • 13 Қараша, 2020

"Үркер-2020" ұлттық сыйлығының жеңімпаздары белгілі болды

236 рет көрсетілді

Бүгін елорданың хақ төрінде "Қазмедиа" орталығында журналистика саласындағы "Үркер-2020" ұлттық сыйлығы жеңімпаздарының есімдері белгілі болды, деп хабарлайды Egemen.kz

Сонымен "Жылдың үздік фотосуреті" аталымында тәуелсіз экологиялық шолушы Сәкен Ділдахмет жеңімпаз атанды.

"Жылдың үздік репортажы" аталымы Kyzylorda-news.kz порталының журналисі Нұрсұлтан Мықтыбаевқа, "Жылдың үздік аналитикалық материалы" аталымы Strategy2050.kz порталы журналисі Қайрат Жандыбаевқа, "Жылдың үздік журналистік зерттеуі" "Время" газетінен Михаил Козачковқа бұйырды.

Ал еліміздің бас басылымы "Егемен Қазақстан" газетінің тілшісі Гүлбаршын Сабаева "Жылдың үздік сұхбаты" және "Sputnik Казахстан" агенттігінің тілшісі Тимур Ниталиев "Жылдың үздік танымдық материалы" аталымында көш бастады.

"Радиостанциядағы үздік жоба" аталымы "Atyray" радиостанциясының "Эфирде 102 FM" бағдарламасына бұйырса, TengriNews порталы "Жылдың үздік жаңалықтар порталы" аталымында үздік атанды.

"Жылдың үздік газеті" сыйлығы Жамбыл облыстық "AQ JOL" газетіне берілді. Сонымен қатар "Жылдың үздік журналы" "Жұлдыз" журналы жеңімпаз деп танылды.

Ал Шерхан Мұртаза атындағы номинация публицист Қайнар Олжайға бұйырды.

Сонымен қатар "Kazinform" халықаралық ақпараттық агенттігінің арнайы сыйлығы "ТАСС" агенттігі мен "Kaznews" Моңғолиядағы қазақтілді порталға берілсе, "Казахстанская правда" газетінің арнайы сыйлығы ардагер журналист Татьяна Костинаға табысталды.

Айта кетейік, 2020 жылдың 2 қазаны мен 5 қарашасы аралығында ұйымдастырылған "Үркер" ұлттық сыйлығының 11 аталым бойынша қатысушыларынан 470 өтінім келіп түсті. Бүгін әр аталым үздігіне "Үркер" естелік мүсіншесі және бір миллион теңге ақшалай сыйлық табыс етілді. Ұлттық бәйгені Ақпарат және қоғамдық даму министрлігі мен "Медиа дамыту қоры" корпоративтік қоры ұйымдастырды.

Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар