Қоғам • 05 Желтоқсан, 2020

Мыңнан астам елордалық студент волонтерлікпен айналысады

10 рет көрсетілді

Студент жастар қаланың қоғамдық өміріне белсенді қатысады. Нұр-Сұлтанда 1000-нан астам студент волонтерлікпен айналысады. Бүгін олар Халықаралық ынтымақтастық күнін атап өтіп жатыр, деп хабарлайды Egemen.kz

"Статистикаға сәйкес (2019 жыл), Нұр-Сұлтанда 14 пен 35 жас аралығындағы 250 000-ға жуық адам тұрады. 1000-нан астам студент волонтерлікпен айналысады", деді "Астана жастаржастар ресурстық орталығы ұйымдастыру бөлімінің жетекшісі Арайлым Сапарәлі.

Елордада жоғарғы оқу орындарында жастар ісі жөніндегі 16 комитет және колледждерде 35 жастар кеңесі жұмыс істейді. Олар білім беру мекемелері қабырғасында студенттердің бос уақытын ұйымдастырып, жастардың бос уақытын тиімді пайдалануды қамтамасыз етеді. Мысалы, Тұран-Астана Университетінің "Волонтерлер клубы" және "ITU жанындағы Phoenix" сияқты қозғалыстар волонтерлікпен айналысады, атап айтқанда мұқтаж жандарға көмектеседі. "QazMed жастары" құрамында ерікті түрде медициналық көмек көрсететін студенттер бар.

Студенттер мәдени өмірге де белсенді қатысады. "Астана жастары" жастар ресурстық орталығы олар үшін жыл сайын бірінші курс студенттерінің ресми салтанатты жиыны мен "Jana Beles" шығармашылық фестивалін ұйымдастырады. Сонымен қатар "Jastar Jalyny Camp" студенттер лагері бар. "Astana City Quest" қаланың қасиетті орындарында өткізіледі. Сонымен қатар студенттер өз идеяларын "Astana Ideas" стартап байқауында ұсынып, өздерін инновациялық өнертабыс саласында көрсетеді.

Сондай-ақ колледж студенттері "Жас Сарбаз" әскери-патриоттық қозғалысына қатысады және волонтерлер мектебінде оқудан өтеді.

Биыл ЖОО мен колледж студенттері "NUR-SULTAN DEBATE CUP-2020" онлайн-пікірсайыс турниріне қатысты.

Соңғы жаңалықтар

«Барыс» «Витязьді» ұтты

Спорт • Бүгін, 16:15

Құнсыздық құлдың түбіне жетеді

Аймақтар • Бүгін, 14:39

Пневмониядан 2 адам қайтыс болды

Коронавирус • Бүгін, 11:42

Биатлоншылардың бағы жанбады

Спорт • 22 Қаңтар, 2021

Ұқсас жаңалықтар