Ауыр атлетика • 18 Қараша, 2020

Ол небәрі 50 жаста еді...

7 рет көрсетілді

Осыдан дәл үш жыл бұрын, яғни 2017 жылдың 18 қарашасында әлемдегі ең әйгілі ауыр атлет, Түркияның мақтанышы Наим Сүлейманоғлы қайтыс болған еді.

Әу баста аты-жөні Наум Шаламанов болған айтулы спортшы Болгарияда туып-өсті. Бірер жыл сол елдің намысын қорғап, көптеген табысқа қол жеткізді. Кейіннен Түркияға қоныс аударды. Анадолы елінде де ол биік белестерді бағындырды. Атап айтсақ 1983-2000 жылдар аралығында Олимпиаданың үш, әлемнің жеті және Еуропаның бес дүркін чемпионы атанды. Әлем кубогын үш мәрте олжалады. Әлемдік рекордты 46 рет жаңартты. Күні бүгінге дейін жер бетінде атақ-даңқы жағынан Сүлейманоғлының алдын орайтын бірде-бір ауыр атлет жоқ. Ол әйгілі бапкер Энвер Түркелеридің қоластында жаттықты.

Үлкен спорттан қол үзгеннен кейін ол бауыр ауруына шалдықты. Ұзақ уақыт емделді. Бірақ дендеген дерт жазылмады. Ақыры Наим Сүлейманоғлы 50 жасында жарық дүниемен қош айтысты.

 

Соңғы жаңалықтар

Ұқсас жаңалықтар