Президентіміз Қасым-Жомарт Тоқаев ел экономикасын, халықтың жағдайын жақсарту мақсатында мемлекет алдында тұрған асқаралы міндеттер туралы мәселе қозғаған болатын. Жолдауда «Мен халыққа берген уәделерімді міндетті түрде орындаймын. Біз өз жұмысымызда Елбасы ұсынған Бес институттық реформа мен Ұлт жоспарын толыққанды жүзеге асыру қажеттігін басты назарда ұстауымыз керек. Елбасымыздың бастамасымен құрылған Жаңғырту жөніндегі Ұлттық комиссияның жұмысын қайта жандандыру қажет», деді ел Президенті.
Мемлекет басшысының халыққа арналған кезекті Жолдауының өзіндік ерекшеліктері өте көп болды. Жолдауда мәдениет қызметкерлерін қолдау туралы мәселе көтеріліп, келесі жылдан бастап мәдениет қызметкерлері еңбекақысының көтерілуі, жеңілдігі бар тұрғын үй бағдарламасына қатыса алатындығына біз сияқты жас кітапханашы мамандарды қуантты. Мемлекет басшысы еліміздің зейнетақы жүйесін дамыту саласына да ерекше тоқталып өтті. Соның ішінде зейнетақы жинағының бір бөлігін баспана сатып алу, білім алу үшін пайдалануға болатындығы оқырмандарымызға ерекше ұнады. Президенттің Жолдауында әлеуметтік-экономикалық жағдайларға жан-жақты талдау жасалынып, бұл жұмыстарды ары қарай дамытып, оңалдыру үшін нақты міндеттер қойылды. Президент тек аудитория ішінде ғана емес, Жолдауды тыңдап отырған барлық жұртшылықпен диалог орнатқан болатын. Қазақстандықтарды толғандырып жүрген көптеген сұрақтарға жауаптар беріліп, соның ішінде шетелдіктерге жер сатылмайтындығын нақты айтқан болатын.
Осылайша, Президент Жолдауының негізгі бағыт-бағдарларын айқындап берген еді. Сөз соңында Мемлекет басшысы «Бағытымыз – айқын, жолымыз – ашық» дей келе, барлық қазақстандықтарға зор жетістік, амандық, табыс тіледі. Президентіміздің Жолдауын тыңдап қана қоймай, оқырмандар өз үлестерін қосатындығын айтып, қуаныштарын жасыра алмады. Сонымен қатар биылғы жыл ұстаздар үшін сәтті басталды. Себебі мұғалімдерге қатысты екі бірдей құжатқа қол қойылып, мұғалімдер мәртебесінің көтерілуіне жол ашылды. 2021 жылдан бастап мұғалімдердің жалақысы 25 пайызға артатын болады. Кітапханамыздың тікелей эфирінде қызметшілеріміз Жолдауды кеңінен талдады. Білім, спорт, мәдениет, экономика, ақпарат, денсаулық саласындағы өзгерістер мен толықтыруларды халыққа жеткізді.
Гүлнар МӘЛІК,
Сағи Жиенбаев атындағы облыстық жасөспірімдер кітапханасының қызметкері
Ақтөбе
