Аймақтар • 20 Қараша, 2020

Мемлекеттік қызметшілер қан тапсырды

54 рет көрсетілді

ҚР Мемлекеттік қызмет істері агенттігінің Қызылорда облысы бойынша департаменті науқастар үшін қан тапсырып, аймақтағы барлық мемлекеттік қызметшілерді осы акцияға қатысуға шақыруда. Акция агенттіктің #Игіістеруақыты  бастамасы аясында өткізіліп отыр.

Облыстық қан орталығының мамандары қазір өңірде қан тапшылығы байқалып отырғанын айтады. Тұрақты донорларға деген сұраныс өте жоғары. Орталық мамандарының айтуынша, күн суытқалы тұрғындар арасынан орталыққа өз еріктерімен келіп, қан тапсыратындар да азайған.

Осыған орай, облыстық мемлекеттік қызмет істері департаменті мемлекеттік қызметкерлер арасында бастама көтеріп отыр. Өзге әріптестеріне үлгі ретінде департамент басшысы қызметкерлермен бірге қан тапсырды. Акцияға ҚР Президенті жанындағы Мемлекеттік басқару академиясының облыстық филиалының қызметкерлері де атсалысты.

"Биылғы жылды Мемлекет басшысы "Еріктілер жылы" деп жариялауына орай осындай бастама көтеріп отырмыз. Бастаманың мақсаты - облыстағы барлық мемлекеттік қызметшілерді ерікті қан доноры болуға шақыру. Сол арқылы халық арасында донорлықты насихаттау. Қан тапсыру әрбір адамның қолынан келетін іс. Қиналған жандардың өміріне үміт сыйлайтын игілікті бастамаға әріптестеріміз барынша қолдау білдіреді деп сенемін, – деді департаменттің басқарма басшысы Ғалымжан Ілкібаев.

Соңғы жаңалықтар

"Oskemenbus" қосымшасы іске қосылады

Аймақтар • Бүгін, 19:37

Қап тауындағы тұтқын

Қазақстан • Бүгін, 16:20

Қазақстанда доллар арзандады

Экономика • Бүгін, 11:46

Қолды болған гараж

Аймақтар • Бүгін, 11:01

IX Азаматтық форум басталды

Аймақтар • Бүгін, 10:15

Пневмония 44 адамда тіркелді

Медицина • Бүгін, 09:41

Елімізде 514 адам індеттен айықты

Коронавирус • Бүгін, 09:04

Абылайдың жолымен жүріп өтті

Руханият • Бүгін, 08:44

Ұқсас жаңалықтар