Қазақстан • 21 Қараша, 2020

Қазақстанда саяси қызметшілерді ротациялау институты енгізілді

935 рет көрсетілді

Бұл туралы ҚР Мемлекеттік қызмет істері агенттігінің ресми өкілі – баспасөз хатшысы Ерхан Таткен өзінің Facebook әлеуметтік желісіндегі парақшасында жазды, деп хабарлайды Egemen.kz.

"Мемлекет басшысы ағымдағы жылғы 13 қарашада мемлекеттік қызмет саласындағы кейбір актілерге өзгерістер енгізуді көздейтін Жарлыққа қол қойды.

Осылайша, елімізде саяси қызметшілерді ротациялау институты алғаш рет енгізілді (бұрын ротация әкімшілік қызметшілерге ғана қолданылған). Енді, саяси қызметшілер атқаратын лауазымына тағайындалған күннен бастап әрбір төрт жыл сайын ротацияланатын болады", деп жазды Ерхан Таткен.

Бұл ретте тиісті мемлекеттік орган басшысының шешімі бойынша саяси қызметшінің атқаратын лауазымында болу мерзімі екі жылға ұзартылуы мүмкін. Кейіннен екі жылға ұзарту Президент жанындағы Кадр саясаты жөніндегі ұлттық комиссияның шешімі бойынша ғана мүмкін болады.

Осылайша, саяси қызметшілердің лауазымда болуының рұқсат етілген ең ұзақ мерзімі сегіз жылдан аспайды.

Агенттіктің баспасөз хатшысы Ерхан Таткеннің сөзінше саяси қызметшілерді ротациялау институты 2021 жылғы 1 қаңтардан бастап енгізіледі.

Сондай-ақ, осы Жарлықпен «Б» корпусының қызметшілерін ротациялау тәртібіне толықтырулар енгізілді. Мәселен, әкімдіктер басқармаларының басшыларына өңіраралық ротациялау енгізілді (бұрын оларды ротациялау тек бір әкімдік шегінде ғана мүмкін болатын). Бұл ретте мұндай ротация әкімдіктерде командалық орын ауыстыруға жол бермеу мақсатында Агенттікпен келісім бойынша жүргізілетін болады.

Бұдан басқа, соңғы үш жылдан кем емес белгілі бір басшылық лауазымдарды атқаратын, оның ішінде әртүрлі мемлекеттік органдарда жұмыс істейтін «Б» корпусының қызметшілерін ерікті ротациялау енгізілді. Сонымен қатар, мұндай ротация басқа әкімшілік-аумақтық бірлікке ғана мүмкін болады.

Зейнеткерлік жасқа толғанға дейін үш және одан аз жыл қалған қызметшілерге ротациядан бас тарту құқығы берілгенін атап өткен жөн.

"Ротацияның негізгі мақсаттары мемлекеттік органдар қызметінің тиімділігін арттыру, сыбайлас жемқорлық құқық бұзушылықтардың алдын алу, сондай-ақ қызметшілердің кәсіби әлеуеті мен басқарушылық тәжірибесін дамыту және тиімді пайдалану болып табылады.

Сондай-ақ, осы Жарлықпен "Б" корпусының қызметшілерін мемлекеттік органдардың ішінде ауысу тәртібімен тағайындау мүмкіндігі енгізілді.

Сонымен, мемлекеттік қызметкерлер мемлекеттік орган ішіндегі өзге де тең дәрежелі лауазымға, сондай-ақ жоғары тұрған лауазымға осы мемлекеттік органда кемінде соңғы екі жыл төмен тұрған лауазымда өтілі болған жағдайда ауысу тәртібімен тағайындалуы мүмкін.

Бұл өзгеріс мемлекеттік қызметшілердің мемлекеттік органдар ішінде мансаптық ілгерілеуіне ықпал етеді", деді Ерхан Таткен.

Соңғы жаңалықтар

"Oskemenbus" қосымшасы іске қосылады

Аймақтар • Бүгін, 19:37

Қап тауындағы тұтқын

Қазақстан • Бүгін, 16:20

Қазақстанда доллар арзандады

Экономика • Бүгін, 11:46

Қолды болған гараж

Аймақтар • Бүгін, 11:01

IX Азаматтық форум басталды

Аймақтар • Бүгін, 10:15

Пневмония 44 адамда тіркелді

Медицина • Бүгін, 09:41

Елімізде 514 адам індеттен айықты

Коронавирус • Бүгін, 09:04

Абылайдың жолымен жүріп өтті

Руханият • Бүгін, 08:44

Ұқсас жаңалықтар