Қамқор ниет қанат бітіреді

Нияз Сүндетәлиевтің өзі қазан айынан бері облыс әкімі Жеңіс Қасымбектің штат­тан тыс кеңесшісі қыз­метін атқарып келеді.

– Облыс басшысының ең өзекті және пәрменді ұсы­ныстарының бірі – Қара­ғанды облысының қала­лары мен аудандарында мүге­дектігі бар адамдар мәселе­лері бойынша штаттан тыс кеңес­шілерді тағайындау туралы шешім болды. Бұл де­геніңіз – құрғақ сөз бен есеп бере салу үшін жасалған нәр­се емес. Біздің облыста мү­гедектігі бар адамдар тұр­ғылықты жерлеріне қара­мас­тан, өздеріне көмектесе алатын адамның телефон нө­мірін білуі керек, – дейді бел­сенді жас.

Бүгінде мүгедектігі бар бел­сенді азаматтардың, үкі­меттік емес ұйымдардың және әкімдердің ұсынысы бо­йынша тағайындалған кеңес­шілер өз міндеттерін ат­қаруға кірісіп кеткен. Мұн­дағы маңызды шаруаның бірі – мүмкіндігі шектеулі адам­дардың мәселелерімен ай­налысатын мемлекеттік ор­ган­дардың, үкіметтік емес ұйым­дардың басшылары, белсенді азаматтар мен ке­ңес­шілердің өздері бас қоса­тын жерлерде үнқатысу алаңдарын құра білу керек. Ал жергілікті кеңесшілердің өз жұмыстары туралы есеп беруге міндеттілігі бұл қыз­меттің жауапкершілігін арттыра түседі.

Қазіргі уақытта кеңес­ші­лер тұрғындарға әлеуметтік қызмет­тер порталдың қа­лай жұмыс істейтінін және оның не үшін керек еке­нін түсіндіру сынды маңыз­ды шаруаны қолға алған. Өйт­кені мүгедектігі бар адам оңалтудың техникалық құ­рал­­дарына, жеке көмек­ші­нің, ымдау тілі маман­дары­ның қызметтеріне және санаторий-курорттық емделуге осы әлеуметтік портал арқылы ғана тікелей тапсырыс бере алады.

Жалпы, штаттан тыс ке­ңес­шілердің басты міндеті – қор­даланған және туындаған мәселелерді тезірек шешуге ықпал ету. Мүмкіндігі шек­теулі жандарға қатысты жер­гілікті жерлердегі пробле­малар шешімін таппай жатса, бұл істі тындыру үшін өңір басшысы жетекшілік ете­­тін үйлестіру кеңесі кө­мек­­ке келеді. Ал Үкімет дең­­­­­ге­йін­дегі шағын жұмыс то­­­бы заң­н­амалық сипаттағы, нор­­­­мативтік-құқықтық акті­лер­­дің, сондай-ақ министр­лік­тер­дің жұмысына қа­тыс­­­ты проблемалармен шұ­ғыл­­данады. Осы орайда Н.Сүн­дет­әлиев­тің Үкімет жа­нын­дағы үйлестіру кеңесі­нің мүшесі екенін де айта кеткен ләзім.

Штаттан тыс кеңесшілер – жүйелі түрде жоспарлан­ған үлкен жұмыстың басы ғана. Мысалы, Қарағанды өңі­рін­де мүмкіндігі шектеулі жан­­­дар­дың өмір сүру сапасын жақсарту үшін бағдар­лама­лар әзірленіп, арнайы әлеу­меттік қызметтер көр­сеті­ліп жатқаны белгілі. Де­ген­мен ақпаратты жеткізу жа­ғынан олқылықтар бар. Ал Н.Сүндетәлиевтің өзі штат­­тан тыс кеңесшілер мү­ге­дек­тігі бар адамдар мен мем­лекеттік органдар ара­сын­дағы «алтын көпірге» ай­налуы тиіс деп санайды.

– Бүгінде біздің облыс­тың барлық кеңесшісі ақпа­рат алмасатын, сұрақтар қоя­тын, әлеуметтік саясат сала­сындағы жаңалықтарды тал­қылайтын ортақ чат құрылды. Біздің облыс Қазақстанның өңірлеріне үлгі болады деп үміттенемін. Мүгедектігі бар әрбір адам кеңесшіні жақ­с­ы тануы өз алдына, оған кез келген мәселемен тіке­лей жүгіне алады, – дейді Н.Сүндетәлиев.

Қазіргі таңда Қарағанды облысында барлығы 67 510 мүгедек бар екен. Шын­­туай­ты­на келгенде, мүмкіндігі шек­теулі осы жандардың маң­дайына соққы болып тиіп жүрген мәселе аз емес. Қо­ғамды кең жайлаған мұн­дай көкейкесті проблемалар­ды шешу үшін кешенді түрде қарастырылатын қадамдар керек. Ал Н.Сүндетәлиев сын­ды ниеті оң кеңесшілердің бұл іске құлшына кірісуі қам­көңіл жандарға қанат бітіріп, олардың ертеңгі күн бүгінгіге қарағанда жақсырақ болуы тиіс деген сенімдерін арттыра түседі.

 

ҚАРАҒАНДЫ