Аймақтар • 24 Қараша, 2020

Түркістанды түлетуге аудандар атсалысуда

17 рет көрсетілді

Биыл маусым айынан бері Түркістан қаласында жер­гілік­ті халық, қалалық әкімдік өкілдері, архитек­тор, дендролог, урбанист және өзге де кәсіби ма­ман­дар бірлесе отырып, үй­лердің маңы мен бос жатқан жерлерді тұрғын­дар игілігіне пайдалану мақсатында бірегей жоба қолға алынған болатын.

Содан бері қараусыз қалған жер учаскелерінің орнына балалар ойын алаңдары мен қарияларға арналған демалатын орындар, жастарды саламатты өмір салтына үйрету үшін түрлі спорттық алаңшалар салынды.

Халықтық жоба негізінде аула тұрғындарымен бірлесе оты­рып іске асырылған 7 учас­кеде айтарлықтай оң өзге­ріс болды. Мысалы, 0,53 гек­тар аумақты алып жатқан Талқан­баев көшесін абаттандыру үшін көше бойы тегістеліп, тал егу жұмыстары жүргізілді. Қала тұр­ғындары мен қонақтар дема­латын орындар жасалды. Қа­лалық жұмыспен қамту орта­лығы арқылы 6 адам жұмыспен қамтылып, 50 дана жарық шам, 20 орындық пен 4 жерге шатырлы орындық орнатылды.

Ал Қызылорда тас жолы бо­йын абаттандыру үшін шығыс бөлігінің 1,62 гектар жерде көгал­­дандыру жұмыстары жүр­гі­зілген. Сондай-ақ Май­лин көшесіне 500 түп тал мен көп­жылдық гүлдер егілді. Жер­гілікті халықтың қалауы мен қ­ажеті ескеріле отырып, дема­лыс орындарының маңына ағаш­тар егілуде. Жасыл желекті күтіп-баптауға қала тұрғындары да ниет білдіріп отыр. Облыс әкімі Ө.Шөкеевтің тапсырмасымен жарты жылдан бері табысты жүзеге асып келе жатқан жоба ары қарай да жалғасын табатын болады.

Жалпы Түркістан қаласын­да жыл басынан бері абаттандыру жұмыстары қызу жүргізілуде. Облыс орталығы 32 секторға бөлініп, оған аудан мен облыстық басқармалар жауап­ты болып бекітілген. Бұл орайда өз аудандарында таби­ғи төтенше жағдай орын алға­нына қарамастан Арыс қала­сы, Мақтаарал, Төлеби аудандары да бекітілген аумақты абат­тан­дыру міндеттерін белсене ат­қаруда. Арыстықтар киелі шаһар­ды көгалдандыру мен абат­тандыру үшін өздері­не бекітілген секторда жоспарлан­ған 10000-нан астам көшеттің бүгінде 4500 түбін отырғызып үлгерген. Ал Төлеби ауданына берілген аумақта 11 көше бар. Атал­ған секторда жалпы 7354 ағаш көшетін отырғызу жоспарланған. Оның ішінде терек – 4682 дана, 576 үйеңкі, 2096 қарағаш егілді. Сондай-ақ егілген көшеттерді суғару үшін 12 119 метр тамшылатып су­ғару жүйесін жүргізу көз­делген. Көшеттерді күтіп-баптау үшін Сарыағаш қаласының тұқымбағынан кәсіби маман­ның қадағалауымен 3 түрлі ағаш көшеттері (терек, қарағаш, үйең­кі) қазылып алынып, Төле­би ауданынан 30 адам ең­бек­­­ке жұмылдырылған. Сектор­­да 48 121 шаршы метр жерді те­­гіс­теу жұмыстары он бір кө­ше­ге жүргізілген. Бұдан өзге, 5 ұңғыма қазып, 4 трансфор­ма­тор орнату жұмыстары атқары­ла­тын болады. Бүгінде аталған жұмыстарға қажетті техникалар жұмылдырылып отыр.

«Түркістан қаласын көркей­ту бойынша Ордабасы ауда­нына 13 көше бекітілген. Көшелердің жал­пы ұзындығы – 7,9 шақы­рым. Қазіргі таңда көше жиек­теріне 11 320 дана ағаш және көпжылдық гүл көшеттері отыр­ғызылды. Шым егу үшін көше жиектері тегістеліп, топы­рақ төселді. 25 қарашаға дейін егу жұмыстары аяқталады деп жоспарлануда», дейді аудан әкімі Нұрбол Тұрашбеков. Сондай-ақ, қаладағы Дастанов көшесінің екі жақ бетіндегі 740 метр аумаққа тамшылатып суғару жүйесі жүргізілген. Бұл жұмыс қалған 12 көшеде жал­ғасуда. Тамшылатып суғару жүйесі үшін қажетті 5 ұңғы­ма және 3 трансформатордың орны тиісті мамандармен нақ­ты­лануда. Ал Сайрам ауда­ны­ның секторында 8,48 шақы­рым болатын 9 көшеде 7655 көшет отырғызылған. Ауданға бекітілген секторда тұрақты түрде сенбілік ұйымдастырылып, жерді тегістеу, шұңқыр қазу, көшет егу жұмыстары жүргізіл­ді. Қазыл­ған ұяшықтарға топы­рақ салы­нып, көшет тамы­рын ылғал­дандыратын гидро­гель және то­пы­рақты қопсыту үшін био­гумус себілуде. Соны­мен қатар көшеттерді суғару жү­йесі жүргізіліп, газон егіледі. Аудан әкімі Н.Байғұт бастаған түл­кібастықтар да өзіне бекі­тілген секторда сенбілік ұйым­дас­тырып, көшет отырғызу жұ­мыстарын іске асыруда. Сенбі­лік жұмыстары аясын­да жалпы ұзындығы 14 шақы­рым­ды құ­райтын 9 көше тазаланып, 6800 түп көшет отыр­ғы­зыл­ған, 4500 шаршы метр­ге газон егілді. Жалпы ал­ған­да, Түркі­станды түлету ісіне өңір­дегі бар­лық аудан-қаладан келген азаматтар айтарлықтай үлес қосуда.

 

Түркістан облысы

 

Соңғы жаңалықтар

Қаламгерге құрмет

Руханият • Кеше

Ұқсас жаңалықтар