Қоғам • 24 Қараша, 2020

Он литр қан тапсырды

9 рет көрсетілді

Денсаулығыңыз жарап тұрса, өзгеге өмір сыйлағанға не жетсін. Қан тапсыру қайырымы мол қадам әрі бұл істің адам ағзасына тигізер пайдасы мол. Осыны ескерген алматылық жасотандықтар жақсы бастаманы қолға алды. Белсенді жастар «Мен жауапты донормын» акциясы аясында 10 литр қан тапсырды.

Сауапты іске үн қосқан отыз донордың арасында еріктілер де бар. Алматы қалалық қан орталығының ұжымы шарапатты шараға белсене қатысқан донорларға дән риза. Өйткені бүгінгі таңда өз еркімен қан тапсыратындардың қатары сиреген. Ал ауруханаларда сирек қан тобындағы қаншама науқас жәрдемшісін күтіп зарығып жатыр.

– Бұл менің алғаш рет қан тапсыруым емес. Жарты жылда бір рет қан орталығына келу өмір салтыма айнал­ған. Донорлықтың пайдасы тура­лы көп оқыдым. Әрине дені сау адам­ға бұл тек пайда әкеледі. Қан тап­сырған­да адамның қан айналу және иммун­дық жүйесі жасқарып, жү­рек-қан тамырлары, қатерлі ісік ауру­ларына шалдықпайды. Ең бастысы, донор өз денсаулығын тексертіп, өзге жанның өмірін сақтап қалады. Мұн­дай акциялар алдағы уақытта да өт­кі­зілетініне сенемін. Біз бар­лы­ғы­мыз бірігіп, қанға мұқтаж жан­­дарға көмек көрсете аламыз. Бар­­ша ал­матылықтарды қан тапсы­рып, жақсылықта жарысуға шақыра­мын, – дейді қала тұрғыны Ақбота Бүркітбаева.

Акция қан донорлығына жастар­дың назарын аударуға және дені сау аза­маттарды игі іске құлағдар ету­ге бағытталған. Орталық маман­д­арының айтуынша, алматы қа­ла­сында қан тапсыруға келетіндердің дені жастар.

 

АЛМАТЫ

 

Соңғы жаңалықтар

Ұқсас жаңалықтар