Аймақтар • 25 Қараша, 2020

Ақмоладағы ахуал жақсарып келеді

82 рет
көрсетілді
4 мин
оқу үшін

Өңірдегі эпидемиялық жағдай біршама тұрақты. Соңғы екі-үш күн төңірегіндегі статистикаға назар аударсаңыз, облыс жасыл аймаққа өтті. Қолданыстағы қаулыға қосымша өзгертулер енгізілді. Бұл туралы облыстың бас санитарлық дәрігері Айнагүл Мусина жан-жақты айтып берді.

Ақмоладағы ахуал жақсарып келеді

Облыс бойынша осы жылдың 1-17 қараша аралығында коро­навирус инфекциясымен ауыр­ғандар саны 871 адамға жетті. Нау­қастардың басым көпшілігі, яғни 517-сі Көкшетау қаласында тір­келіп отыр. Одан соң Степ­ногор қаласы. Өңірдегі саралау қоры­тындыларында Көкшетау мен Степногорск қалалары және Сандықтау ауданы «қы­зыл аймақта» тұр. Сонымен бір­ге індет өршіп тұрған бұл өңір­лермен Бурабай және Зеренді аудан­дары деңгейлес. Ал «сары ай­мақта» Астрахан ауданы тұр. Қал­ған аудандар жасыл аймаққа еніпті. Жуырда Мемлекет басшысы Қасым-Жомарт Тоқаев облыс­та індетті жасыру фактілерінің бар екенін ескерткен болатын.

– Наурыз айынан бері алатын болсақ, індеттің анықталуы туралы ақпараттарды ұлттық сараптама орталығы ғана дерекқорға енгізетін, кейін мұн­дай тестілеуді «Олимп» кли­никалық-диагнос­тикалық емхана­сы да жүргізе бастады. Одан кейін басқа да ла­бораториялар қосылды. Олар­дың барлығы бір дерекқорға мәліметтерді бірден енгізіп отыруы тиіс. Алайда жоғарыда айтып өткеніміздей, уақытынан кешіктіріп отырған. Сондай-ақ субъективті тұрғыдан да ол­қылықтар орын алды. Бұл ретте медициналық ұйымдар да шұ­ғыл жағдайларды уақытында жеткізбеген. Ақылы түрде тексе­рістерден өткендер бойынша да ақпараттар уақыты берілмеген. Қазіргі уақытта біріктірілген ақпа­раттық дерекқорды жетіл­діру бойынша жұмыстар жасалып, анықталған фактілер бойынша мәліметтерге салыстырулар жүргізілуде, – дейді А.Мусина.

Соңғы аптада облыста ін­деттің таралуы аздап болсын тө­мен­деп отыр. Өткен тәулікте 41 оқиға тіркелген. Оның 30-ын­да індет белгілері байқалса, 11-інде симптомсыз түрде өтуде. Дерт­ті жұқтырғандардың 22-сі – Көкшетау, 5-еуі – Степногор қа­ласында. Астрахан, Бурабай аудандарында 4 оқиғадан тір­келген, Сандықтауда – 3, Це­линоградта – 2, Зерендіде 1 жағ­дай анықталды. Сонымен бірге вирустық пневмония бойынша екі оқиға Целиноград пен Ақкөл аудандарында анықталып отыр.

Оқу жылы басталғалы облыс­та 47 оқушы аты жаман ін­дет­ке шалдыққан. Олардың 11-і дә­с­түрлі режімде оқып жүргендер бол­са, қалғаны – қашықтан бі­лім алып жатқандар. Ал мек­теп­ке дейінгі ұйымдарда 20 бүл­­діршіннен індет анықталды. Мұнда да басым бөлігі, яғни 15-і – Көкшетау қаласында, қал­ғаны – Астрахан, Аршалы, Бу­рабай, Жарқайың аудандарында. Білім мекемелерінде тиісті са­нитарлық-эпидемиялық шаралар ұйымдастырылып, ка­рантиндік талаптар бойынша шек­теулер қолданылған. Осыған орай қазіргі уақытта 193 адам үй карантинінде ем қабылдауда.

А.Мусинаның айтуынша, Көкшетау мен бірнеше ауданның мек­тептеріне енгізілген каран­тиндік шектеулерді жеңілдету, олар­дағы әрі қарайғы оқу режімі бойынша мәселе облыстық білім басқармасымен бірлесе қарастырылуда. Облыстағы 6 лабораторияда коронавирус жұқпасын анықтау бойынша күніне 1600-1800 зерттеу жүр­гізіліп жатыр. Сонымен қатар бұл лабораториялар ақылы тексерулер де қолға алынған. Қазіргі уақытта өз еркімен барып, ПТР тестіні ақылы өтіп жатқандар саны көбейген. Осылайша ақылы тестіден өткен 9 мыңға жуық адамның 228-інен індет анық­талыпты.

Бүгінде облыс бойынша­ індеттің екінші толқынына әзір­­ленген төсектік орындардың 28 пайызы кәдеге асуда. Індет жұқ­тырушылар саны азайып келе жат­қандықтан, кейбір қоғамдық тамақтану, азық-түлік дүкендері секілді мекемелердің жұмыс уақытын ұзарту бойынша соңғы қаулыға өзгертулер енгізіліпті.

 

Ақмола облысы

 

Соңғы жаңалықтар

Су үнемдейтін қондырғы

Технология • Кеше