Қоғам • 25 Қараша, 2020

Торт пісіруші жігіт

20 рет көрсетілді

Тамақ пісіруді тек әйелдерге тән жұмыс деп олардың мінде­тіне артып тастау дұрыс па, дұрыс емес пе?

Ер адамның жылы-жұмсақ пісіру­мен айналысуын нәпақа тауып, бала-шаға асырау үшін «әйелдің ісі, ердің күші» деп жұмысты «жынысқа» жіктемей, қолдан келген тірлікті жасау, сөйтіп, кәсіптің көзін табу дейміз бе, әйтеуір ешкім жақсы істі жоққа шығара алмайды. Қазір асханаларда тамақты дәмді етіп дайындау­да анау-мынау әйелді жарты жолда қалдыратын бесаспап аспаз ерлер аз емес, тіпті мәртебелі тұлғалардың да жеке аспаздары көбіне ерлерден болып келеді.

Жаңаөзен қаласының тұрғыны Сәбит Қабыкеев 21 жасынан бастап тәтті торттар дайындайды. Осы кәсіпті қол­ға алуға тәттіге деген сүйіс­пеншілік бас­ты себеп болған. Бүгінде ол әртүрлі торт­­тардың құрамын әзірлеп, өзі атау береді.

– Торт пісіріп жүргеніме 6 жыл­дай болды. Қытайдағы оқуым­ды тастап елге оралып, бір жылдай жүріп, өзімнің бизнесімді бастадым. Тапсырыстарды әзірше үйде қабылдаймын. Бүгінде менен сабақ алған шәкірттерім де бар. Алдағы уақытта өз кондитерлік дүкенімді ашуды жоспарлап отырмын. Мақсатым – Жаңаөзен, Ақтау қалаларында кондитерлік студия ашып, кәсібімді кеңейту. Өсіп келе жатқан жастарды жұмысқа тартып, еңбекке баулығым келеді. Қазір өзгеше рецептермен 3 торт ойлап шығардым, дейді Сәбит Қабыкеев.

Сәбит Қабыкеевтің айтуынша, бір тортты әртүрлі жағынан жасап көріп, ерекше торттың рецептін ойлап тапқан. Оны дайындап, нақты құрамын анықтау үшін 2 айға жуық уақыт кеткен. Бүгінде өзі дайындаған тәттілеріне «Ай тәтті», «Үш сұлу» және «Аққу» деген ат қойған 27 жас­тағы кәсіпкер азамат болашақта жұ­мыс­сыз жүрген жастарға тегін түрде білім беріп, өзінің кондитерлік дүке­ніне жұмысқа алуды мақсат тұтады.

Ал Сәбиттің торттарыннан дәм татып, оны өз дастарханынан кө­руге асыққан тұрғындар тек риза­шы­лықтарын білдіруде.

 

Маңғыстау облысы

 

Соңғы жаңалықтар

Биатлоншылардың бағы жанбады

Спорт • 22 Қаңтар, 2021

Бірнеше облыста жол жабылды

Қазақстан • 22 Қаңтар, 2021

Ақсу қаласына жаңа әкім тағайындалды

Тағайындау • 22 Қаңтар, 2021

Ұқсас жаңалықтар