Аймақтар • 25 Қараша, 2020

Нұр-Сұлтанда газ баллоны қолданылатын тамақтану орындары тексеріледі

284 рет
көрсетілді
2 мин
оқу үшін

Нұр-Сұлтанда ведомствоаралық комиссия газ баллондары қолданылатын тамақтану орындарын жоспардан тыс тексеру бойынша жұмысын бастады.

Нұр-Сұлтанда газ баллоны қолданылатын тамақтану орындары тексеріледі

21 қарашада кафеде болған газ баллоны жарылысы салдарынан 30-дан астам адам жарақат алды, екі адам қаза болды. Халықтың өмірі мен денсаулығына үлкен қауіп төндіретін осы төтенше жағдайды ескере отырып Нұр-Сұлтан әкімдігі қоғамдық тамақтану орындарын жоспардан тыс тексеруді бастады. Елорда әкімі Алтай Көлгіновтің тапсырмасы бойынша жұмыс тобы құрылды, оның құрамына Төтенше жағдайлар департаменті, Ішкі істер министрлігі, тұрғын үй инспекциясы, әкімдік, өнеркәсіптік қауіпсіздік басқармасы және т.б. кіреді. Комиссияны әкім орынбасары Бақтияр Мәкен басқарады.

«Мемлекет кәсіпкерлерді қолдау үшін барлық жағдайларды жасайды, тексерулерге мораторий жарияланды. Біз кәсіпкерлерімізге сенеміз. ШОБ нысандары өз кезегінде барлық қауіпсіздік ережелерін сақтауы керек. Адам өмірі мен денсаулығына ештеңе қауіп төндірмеуі керек. Өткен аптада болған оқиғаны ескере отырып, мобильді топ жоспардан тыс тексерулерге барып, қосымша нұсқаулар береді. Егер заң бұзушылықтар анықталса, меншік иелеріне айыппұл және одан да қатал жаза қолданылады», - деді жұмыс тобының мүшесі, инвестициялар және кәсіпкерлікті дамыту басқармасы басшысы Ерлан Бекмырзаев.

Жиында қолданыстағы баллондарды кем дегенде 5 жылда бір рет қарап, куәландыру керек екендігі еске салынды.

Коррозиялық газдармен толтыруға арналған баллондар (хлор, метилхлорид, фосген, күкіртті сутек, күкірт диоксиді, хлорсутек және басқалары), сондай-ақ автомобильдер мен басқа да көлік құралдары үшін отын ретінде қолданылатын сығылған және сұйытылған газдарға арналған баллондар кем дегенде 2 жылда бір рет тексерілуі тиіс.

«Газ және газбен жабдықтау туралы» Заңға сәйкес, сұйылтылған мұнай газын екі қабаттан жоғары көп қабатты тұрғын үйлердегі тұрмыстық баллондарда сақтауға және (немесе) пайдалануға тыйым салынады.

Газ тұтынатын жүйелер мен газ жабдықтарының иелері олардың тиісті техникалық жағдайы мен қауіпсіздігін қамтамасыз етуге міндетті.

Соңғы жаңалықтар

Су үнемдейтін қондырғы

Технология • Кеше