Аймақтар • 25 Қараша, 2020

Қызылордалық полицейлер есірткіге қарсы онлайн сайыс ұйымдастырды

36 рет көрсетілді

Қызылорда облысы Полиция департаментінің  Есірткі қылмысына қарсы іс-қимыл басқармасы орта  мектеп оқушылары мен жоғары  оқу орындары студенттері арасында онлайн сайыс  ұйымдастырды, деп хабарлайды Egemen.kz

Жастар мен жасөспірімдер арасында салауатты өмір салтын насихаттауды көздеген сайыс шарты бойынша қатысушылар БАҚ-тарда мақала жариялап, оны инстаграм желісіндегі парақшаларына салды. Жетпіс төрт үміткердің мақаласын бағалауға жергілікті тілшілер атсалысты.

Комиссия шешіміне  байланысты  ынталық  танытқаны  үшін  25 қатысушы  алғыс хаттармен марапатталады. Сонымен қатар, 22 сайыскер аймақтық жеңімпаз болып танылды. Қызылорда қаласындағы №323 мектеп – лицей мен №233 орта мектеп оқушылары сайыс жүлдегерлері арасында алғашқы лектен көрінді.   

Соңғы жаңалықтар

Ұқсас жаңалықтар