Елорда • 26 Қараша, 2020

Нұр-Сұлтанда іздеуде жүрген 9 қылмыскер қолға түсті

13 рет көрсетілді

Елорда аумағында өтіп жатқан "Құқықтық тәртіп" алдын алу шарасының үш күнінде 2 мыңнан астам әкімшілік құқық бұзушылық анықталды, деп хабарлайды Egemen.kz

Нұр-Сұлтан қалалық Полиция департаментінің мәліметінше, оның ішінде кішігірім бұзақылықтың – 163, тыныштықты бұзудың – 263, қоғамдық орында ішімдік ішудің 391 фактісі бар. Көлікті мас күйінде жүргізген 6 жүргізуші де қолға түсті.

Мұнан бөлек, полиция қызметкерлері тұрғын үй алаптарын аралап, 8 135 пәтерді, 1 544 үйді және 324 саяжай нысандарын қарап шықты. Есепте тұрған 869 тұлға мен 54 тұрмысы нашар отбасы тексерілді.

"Елорданың полиция қызметкерлері "Құқықтық тәртіп" алдын алу шарасы барысында 3 күннің ішінде 48 қылмысты ашып, іздеуде болған 9 қылмыскерді ұстады. "Сарыарқа" аудандық полиция бөлімінің қызметкерлері құрылыс нысандарында ұрлық жасаумен айналысқан 3 күдіктіні ұстады. Олар үш күн бойы түн ортасында құрылыс материаларын шығарып алған. Ұрылар 25 жылыту батареясын, пішінді қаңылтырлар мен шыны мақталарды қолды қылған. Ұрлыққа жөн сілтеуші әрі ұйымдастырушы құрылыс нысанында жұмыс істейтін адам екендігі анықталды. Ұрлылар келтірген шығын 350 мың теңгені құрайды. ҚР Қылмыстық кодексінің 188-бабымен қылмыстық іс қозғалды", деді департаменттен.

Сонымен қатар ведомствоның міліметінше, тыйым салынған заттарды заңсыз сақтағаны немесе алып жүргені үшін 27 адам ұсталды. Оның ішінде есірткі затын сақтаған 18 азамат ұсталып, олардан 500 грамнан астам есірткі заты, 1,4 грамм героин тәркіленді.

Мұнан бөлек, атыс қаруымен 3 адам ұсталып, олардан 49 оқ-дәрі алынды. Мәселен, 25 қараша күні кешқұрылым Е-22 көшесінің бойында полиция қызметкерлір 48 жастағы азаматты тоқтатып, одан ұңғымасы жоқ тапанша тәркіледі. Ұсталған азаматтың үстінен ҚР ҚК 287-бабы 2-бөлігі бойынша қылмыстық іс қозғалды.

Соңғы жаңалықтар

Балқашта қар жауып жатыр

Ауа райы • Бүгін, 15:48

Той тойлау тыйылмай тұр

Қоғам • Бүгін, 10:45

733 980 қазақстандық вакцина салдырды

Коронавирус • Бүгін, 09:58

Әуеден бақылау жасалды

Саясат • Бүгін, 08:52

Банктегі онлайн қызмет

Технология • Бүгін, 08:43

Көп көлемде айыппұл салынды

Экономика • Бүгін, 08:32

Азия чемпионатын табысты бастады

Ауыр атлетика • Бүгін, 08:24

Тарбағатайдың таңбалы тастары

Руханият • Бүгін, 08:01

Ұқсас жаңалықтар