«Қазақстан Республикасындағы сайлау туралы» Конституциялық Заңының 87 және 89-бабтарына сәйкес, саяси партиялар сайлау комиссиясына өз үміткерлерінің тізімін және қажетті құжаттарды ұсынған. Құжаттар қатарында саяси партияның жоғарғы органының партиялық тізімді ұсыну туралы хаттамасынан үзінді көшірме, партия өкілінің өкілеттіктерін растайтын құжат, электронды және қағаз нұсқадағы партиялық тізім, азаматтың партиялық тізімге енгізуге келісімі туралы өтініші, тізімге енген әрбір кандидаттың өмірбаяны, кандидат пен оның жұбайының кірістері мен мүлкі туралы декларациялар тапсырғаны туралы мемлекеттік кіріс органының анықтамасы бар.
Орталық сайлау комиссиясы партиялық тізімдерге енген кандидаттардың Қазақстан Конституциясында және «Қазақстан Республикасындағы сайлау туралы» заңда көрсетілген талаптарға сәйкестігін тиісті органдарға сұрау салу арқылы анықтайтын болады.
Парламент Мәжілісінің депутаттарын сайлау жөніндегі күнтізбелік жоспарға сәйкес, саяси партиялар үміткерлер тізімін 30 қараша сағат 18.00-ге дейін өткізе алады. Ал партиялар берген тізімдерді тіркеу 10 қарашадан басталып, 10 желтоқсан күні сағат 18.00-де аяқталады.
