Кино • 30 Қараша, 2020

Алан Рикман күнделіктері жарияланбақ

228 рет

көрсетілді

1 мин

оқу үшін

Әйгілі британдық актер Алан Рикманның 27 томнан тұратын күнделіктері бір кітап болып жарыққа шықпақ. Баспаның хабарлауынша, қолжазба актердің жиырма бес жылдан астам өмірін қамтиды. Яғни Рикман 1990 жылдардан бастап ғұмырының соңына дейін (2016) күнделік жазған.

Маржан ӘБІШ

Кітапты Canongate баспасы 2022 жылы күзде басып шығарамыз деп жоспарлап отыр. Редакторы Алан Тейлор. «Бұл күнделіктер актер Алан Рикманды ғана емес, оның шын болмысын – өнерге деген сүйіспеншілігі мен кәсібилігін ашып көрсетеді», деді актердің әйелі Рима Хортон.

Рикман күнделіктерінде актерлік шеберлік туралы ойларымен қатар өзі көрген пьесаларға да шолу жасайды. Бұдан бөлек саясатқа қызығушылығын, түрлі шымылдық сыртындағы оқиғаларды, «Гарри Поттердің» түсірілімі жайында жазады.