Аймақтар • 30 Қараша, 2020

Түлкібас ауданында жаңа емхана бой көтереді

383 рет
көрсетілді
1 мин
оқу үшін

Түркістан облысы Түлкібас ауданы, Састөбе кентінде орналасқан емхана 7 мыңнан астам халыққа қызмет көрсетеді. Жарты ғасыр бұрын қабырғасы қаланған ғимараттың әбден тозығы жеткен, деп хабарлайды Egemen.kz.

Түлкібас ауданында жаңа емхана бой көтереді

Апатты деп танылған дәрігерлік амбулаторияда болған облыс әкімі Өмірзақ Шөкеевтің жұмыс сапары барысында келер жылы жаңа емхана салынатыны мәлім болды. Жаңадан бой көтеретін дәрігерлік амбулатория заманауи үлгіде жасақталып, бір ауысымда 75 келушіге арналады. Медицина ұйымдарының жай-күйімен танысқан облыс әкімі Түлкібас аудандық орталық ауруханасында жүргізіліп жатқан күрделі жөндеу жұмыстарымен танысты. Ауруханаға қарасты 5 ғимаратта күрделі жөндеу жұмыстары қолға алынған. Жөндеу жалғасуда. Өмірзақ Естайұлы күрделі жөндеуден өткен ауруханадағы құрылыс сапасына оң бағасын беріп, жұмысты қатаң бақылауда ұстауды міндеттеді.

Орталық ауруханада 100 мыңға жуық халыққа амбулаториялық – емханалық, стационарлық, стационарды алмастыратын көмек және консультативті – диагностикалық  қызмет түрлері көрсетіледі. Онда мыңнан астам медицина қызметкері қызмет етеді.    

Соңғы жаңалықтар

Су үнемдейтін қондырғы

Технология • Кеше