Аймақтар • 30 Қараша, 2020

Атырауда Тұңғыш Президент күніне арналған конференция өтті

60 рет көрсетілді

Атырауда Тұңғыш Президент күніне орай "Ұлт көшбасшысы және заманауи мемлекеттік аппараттың келбеті" атты ғылыми-тәжірибелік конференция онлайн форматта өтті, деп хабарлайды Egemen.kz.

Конференцияға Мемлекеттік қызмет істері агенттігі төрайымы Анар Жайылғанова, Парламент Сенаты жанындағы Сенаторлар Кеңесі төрағасының орынбасары Бірғаным Әйтімова, Президент жанындағы Мемлекеттік басқару академиясының ректоры Ерлан Әбілов, мемлекеттік орган басшылары, қоғам белсенділері, оқу орындарының өкілдері мен агенттіктің аумақтық департаменттерінің жетекшілері қатысты.

Алғаш сөз алған облыс әкімі Махамбет Досмұхамбетов аталған конференцияның Тұңғыш Президент күні қарсаңында ұйымдастырылуының маңызына тоқталды.

"Қазіргі заманға сай мықты мемлекеттік аппарат құру ісі Тұңғыш Президент-Елбасы  Нұрсұлтан Назарбаевтың есімімен байланысты екені даусыз. Тәуелсіздіктің елең-алаң шағында алдымызда сын-тегеуріндер тұрды. Осыған орай Елбасы жаңа жағдайларға төтеп беретін мемлекеттік басқару жүйесін қалыптастыруды көздеді. Қазақстанның бәсекеге қабілеттілігін арттыруда мемлекеттік аппараттың кадрлық әлеуеті маңызды рөл атқаратынын жақсы түсінді. Мемлекеттік аппараттың сапасы кез келген елдің даму процесінде шешуші факторға ие. Сондықтан бұл елдің стратегиялық басымдықтарының тиімді орындалуын қамтамасыз етуі тұрғысынан ерекше маңызды болды. Ұлт Көшбасшысының саяси ерік-жігерінің нәтижесінде Қазақстан посткеңестік елдер арасында осы бағытта алғаш болып жүйелі қадамдар жасады", деді облыс әкімі Махамбет Досмұхамбетов.

Әкім өңірдегі мемлекеттік қызметшілерді әлеуметтік-экономикалық тұрғыдан қолдау бағытында атқарылып жатқан жұмыстарды атап өтті.

"Жыл басында жергілікті атқарушы органдар факторлы-балдық шкалаға негізделген еңбекақы төлеудің жаңа жүйесіне көшті. Пилоттық моделдің енгізілуі жергілікті деңгейде кадрлардың ауысуының азаюына септігін тигізді. Мәселен, мемлекеттік қызметшілердің ауысуы былтырғы сәйкес кезеңмен салыстырғанда 4,6%-дан 2,6%-ға дейін азайған. Бұл мемлекеттік аппарат тұрақтылығын қамтамасыз етуге мүмкіндік берді. Сонымен қатар, жалақы мөлшерінің өсуі мемлекеттік қызметке деген қызығушылықты арттырды", - деді облыс әкімі.

Махамбет Досмұхамбетовтің айтуынша, бос лауазымдарға жарияланған конкурстарда бір орынға қатысушылардың саны 50%-ға өскен. Соның нәтижесінде мемлекеттік аппарат білікті кадрлармен толығуда. Қазір облыс әкімдігіндегі мемлекеттік қызметкерлердің сапалық құрамы да артты. Мемлекеттік қызметкерлер қатары 1 ғылыым докторы, 2 ғылым  кандидаты, 3 PhD докторы және "Болашақ" бағдарламасының 3 түлегімен толықты. Ал бос лауазымдардың саны өткен жылдың осы кезеңімен салыстырғанда 4,1%-ға дейін азайып отыр.

Тұңғыш Президент күніне орайластырылған конференцияда төрт өзекті мәселе талқыға түсті. Қатысушылар жаңа мыңжылдықтағы мемлекеттік аппараттың ілгері дамуы, ауылдық округ әкімдерінің мәртебесі сынды мәселелер аясында ой бөлісіп, пікір алмасты.

Енді аталған конференцияны Тұңғыш Президент күні қарсаңында жыл сайын өткізу көзделіп отыр.

 

Соңғы жаңалықтар

Заңсыз 114 қару тәркіленді

Қоғам • Бүгін, 11:07

Балқашта ауа сапасы нашарлайды

Экология • Бүгін, 09:57

UFC-ге қайта оралмақ

Спорт • Бүгін, 08:49

«Жұлдыз» жарқыраған сәт

Аймақтар • Бүгін, 08:47

Электр күбі жасады

Оқиға • Бүгін, 08:45

Өңірдің даму қарқыны артты

Экономика • Бүгін, 08:40

Мухинаның соңғы сальтосы

Спорт • Бүгін, 08:29

Алтайдың кербез маралы

Руханият • Бүгін, 08:23

«Ұлдардың» ұлағаты

Руханият • Бүгін, 08:21

Қолжазбаны оқитын қосымша

Оқиға • Бүгін, 08:11

Ұлы даладағы ұлы апат

Руханият • Бүгін, 08:07

Екі ауыз сөзді ежіктеп...

Қоғам • Бүгін, 08:03

Ұлықтайтын адамдарды ұмытпайық

Руханият • Бүгін, 07:56

Қайта өңделген алюминийге мұқтаж

Экономика • Бүгін, 07:43

Ескі техникадан құтылудың жолы

Экономика • Бүгін, 07:42

Теңге тербелмей ме?

Қаржы • Бүгін, 07:41

Ел пікірі ескерілді

Пікір • Бүгін, 07:33

Ұқсас жаңалықтар