Аймақтар • 30 Қараша, 2020

Атырауда Тұңғыш Президент күніне арналған экскурсиялық сабақ өтті

163 рет
көрсетілді
1 мин
оқу үшін

Облыстық тарихи-өлкетану музейінде Тұңғыш Президентке арналған экспозиция  бар. Онда Тұңғыш Президент-Елбасы Нұрсұлтан Назарбаевтың мемлекет басқару, тәуелсіз Қазақстанды әлем таныған ел ретінде қалыптастыру кезеңіндегі қайраткерлігі, ерен еңбегі туралы тарихи, деректі құжаттар түріндегі құнды жәдігерлер қойылған. Облыстық полиция департаментінің жас мамандары аталған музейде ұйымдастырылған экскурсиялық сабаққа қатысты, деп хабарлайды Egemen.kz.

Атырауда Тұңғыш Президент күніне арналған экскурсиялық сабақ өтті

"Тұңғыш Президент күніне орай өткен шараның басты мақсаты – жас мамандарды патриотизмге, жауапкершілікке, бастамашылдыққа тәрбиелеу. Осы орайда Ұлт Көшбасшысы Нұрсұлтан Назарбаевтың жоғары адамгершілік қасиеті, мемлекетшілдігі мен табандылығы әр жасқа үлгі-өнеге айналары даусыз. Тәуелсіз Қазақстанның әлеуметтік-экономикалық, құқықтық тұрғыда өркендеуіне үлес қосқысы келетін әр қызметкердің бойынан осындай қасиеттер табылатын жатса, еліміздің болашағы бүгінгіден жарқын болары анық", дейді департамент бастығының орынбасары, полиция подполковнигі Әділхан Байдосов.

Оның айтуынша, экскурсиялық сабақ барысында Тұңғыш Президент-Елбасы Нұрсұлтан Назарбаевтың өмірі мен қызметіне, саясаткерлігіне арналған экспозиция таныстырылды. Әлемдік деңгейдегі мемлекет қайраткерінің еліміздің дамуына сіңірген еңбегі туралы кеңінен айтылды.

Соңғы жаңалықтар

Су үнемдейтін қондырғы

Технология • Кеше