Аймақтар • 01 Желтоқсан, 2020

Солтүстік Қазақстанда кірпіш зауыты салынып жатыр

20 рет көрсетілді

Солтүстік Қазақстанда кірпіш зауыты салынып жатыр. Бұл жайында әлеуметтік желілердегі парақшасында СҚО әкімі Құмар Ақсақалов жазды, деп хабарлайды Egemen.kz

"Келесі жылы өңірде солтүстікқазақстандық кірпіш үй құрылысында қолданылатын болады. Жергілікті инвестор Подгорное ауылында жаңа кірпіш зауытын салуда. Жоба құны 1,5 млрд теңге. Қондырғылар жеткізілді. Жаңа зауытта 60 солтүстікқазақстандық жұмысқа орналаспақ", деп жазды өңір басшысы.

Облыста 2021 жылы тұрғын үй құрылысына 67 миллион дана кірпіш қажет болады. Салынып жатқан кірпіш зауытының жылдық қуаты 27 миллион дана. Біздің зауыт өңірдегі кірпішке деген сұраныстың 40% жабады.

"Қазір құрылысшылар кірпішті басқа аймақтардан сатып алуға және жеткізуге мәжбүр. Біздің кірпіш құрылыс компанияларына арзанға түспек. Бұл жаңа баспананың бағасына оң әсерін тигізеді. Біздің өңір коммерциялық үй салу үшін инвесторларға тартымды болады", деп қорытындылады облыс әкімі.

Соңғы жаңалықтар

Ұқсас жаңалықтар