Концерттік бағдарламаның ашылуы ГМ-172/10 мекемесі бастығының орынбасары әділет подполковнигі Азат Орынбасаровтың құттықтау сөзімен басталды.
Мерекелік іс-шараға сотталғандар өздерінің концерттік бағдарламасын дайындап, оған барлық сотталғандар белсенді қатысып, "Ақиқат", "Маскүнем", "Елім менің аңсаған", "Диско из 90-х", "Ана", "Үйленем" сияқты өлеңдер оқылып, әндер шырқалды. Сотталғандар өз өнерлерін көрсетті, мерекелік суреттер салынды, сондай-ақ Қазақстан Республикасының Тұңғыш Президенті туралы сұрақтар мен викториналар болды. Іс-шараның ортасында Елбасы туралы бейнематериал көрсетілді. Сондай-ақ сотталғандарға ойын-сауық ойындары, КТК, көңілді билер мен флешмобтар ұйымдастырылды.
Аталған іс-шараның мақсаты әлеммен әлеуметтік-пайдалы байланыстарды қолдау, сотталғандар арасында моральдық-психологиялық ахуалды қолдау болып табылды.
