Эйс жасау екінің бірінің қолынан келе бермейтінін жанкүйерлер жақсы біледі. Бір қуаныштысы, бүгінгі таңда WTA тізімінде 17 орында тұрған 21 жастағы жерлесімізге тең келер ешкім жоқ. Биылғы маусымда Елена Рыбакина 193 эйстың авторы атанып отыр. Одан кейінгі сатыларға америкалық Серена Уильямс (178), беларуссиялық Арина Соболенко (165), испаниялық Гарбинье Мугуруса (160), АҚШ-тың тағы бір өкілі Дженнифер Брэди (149), грекиялық Мария Саккари (144), бельгиялық Элиза Мертенс (144), жапониялық Наоми Осака (141), чехиялық Каролина Плишкова (137) және тунистік Онс Жабер (126) сынды сұлулар жайғасты.
Естеріңізге сала кетейік, Елена Рыбакина 1999 жылдың жазында Мәскеуде туып-өсті. 2018 жылы Қазақстанның азаматтығын алған ол сол кезден бері біздің елдің туы астында.
