"Былтыр Арыстағы жарылыс кезінде, биыл Мақтааралды су алғанда жұрт болып жұмылдық. Қиын шақта өзгеге қол ұшын бергісі келген азаматтарымыз аз болған жоқ. Біз сондай жандардың көмегіне, олардың шынайы ниетіне куә болдық. Қауіпті сәтте азаматтық танытқан отандастарымызға алғыс айтамын. Сондықтан осындай күрделі техногенді апаттардан кейін құтқару жұмыстарына қатысатын еріктілерді жан-жақты даярлау – өте маңызды міндет", деді Президент.
Осы орайда ол еріктілерді даярлайтын арнайы оқыту курстарын ашу қажеттігін айтты.
"Онда еріктілер қажетті кәсіби дағдыларды меңгеруге мүмкіндік алуға тиіс", деді Мемлекет басшысы.
