Аймақтар • 11 Желтоқсан, 2020

Балқашта ПТР зертханасы ашылды

7 рет көрсетілді

Балқаш орталық ауруханасының базасында ПТР-зертхана ашылды. Оның қуаты тәулігіне 500 сынақты құрайды. Лаборатория Балқаш, Приозерск, Ақтоғай және Шет аудандарының тұрғындарына қызмет көрсетеді. Жалпы алғанда, бұл шамамен – 130 мың адам, деп хабарлайды Egemen.kz

Мекеме барлық талаптарға сай және Германияда өндірілген қажетті жабдықтармен қамтылған. Зертхана бөлмелерінде жөндеу жұмыстары жүргізілді, техника орнатылды, қажетті реактивтер сатып алынды. Зертхана қызметкерлері Қарағандының жетекші зертханалары базасында арнайы оқытудан өтті. Жобаның жалпы құны 39 млн теңгені құрайды. Демеушілер 29 млн теңгеге барлық қажетті медициналық жабдықты сатып алған.

Бұрын ПТР зерттеуге барлық биологиялық материалдар Балқаштан Қарағанды қаласына жіберілетін. Нәтижелер 3-5 күн аралығында шығатын. Жаңа ПТР-зертхананың ашылуымен коронавирус инфекциясын тезірек анықтауға болады.

Талдауды өңдеу орташа есеппен 5 сағатты құрайды. Сынақ қорытындысы бір тәулік ішінде беріледі. 

Соңғы жаңалықтар

Ертең төрт өңірде үсік жүреді

Ауа райы • 17 Қыркүйек, 2021

Ұқсас жаңалықтар