Іс-шараға партия өкілдері: Т.Рахимбеков, Қ.Айтуғанов, Б.Төлеген, З.Әліпбеков, Д.Кәпұлы, К.Аралбекова, Н.Арсютин, А.Сатыбалдин, Д.Қуатов және Б.Қыстауов қатысты.
«Ауыл» партиясының төрағасы Әли Бектаев, сондай-ақ партия мүшелері Қарлығаш Аралбекова, ақын Дәулеткерей Кәпұлы құттықтау сөз сөйледі.
«Аңыз бойынша адамзатты су тасқынынан құтқарған Нұх кемесі осы жерге тоқтады. Адамзат баласының өсіп-өнуі дәл осы жерден бастау алады. Сондықтан қасиетті Қазығұрт жерін жаңғыру және жаңару мекені деп атауға болады.
«Атқа қону» ұғымы халқымыздың мүдделерін қорғау үшін күш жұмылдыруды білдіреді. Атқа қонғандар жақсылықтың жаршысы, партияның жоспарлары мен ұсыныстарының хабаршысы болады», деп атап өтті Ә.Бектаев.
Ақсақалдардың атынан мемлекет және қоғам қайраткері, «Ауыл» партиясының Түркістан облысы бойынша өңірлік филиалының басшысы Исмат Тұрсынқұлұлы тілек білдірді.
Түркістан облысы