Шарман пандемияның 2021 жылдың ортасында немесе соңында аяқталуы мүмкін екені туралы сарапшылардың дерегін келтірді. Оны тиімді жәні қауіпсіз вакциналарды дайындаумен байланыстырады, әлемде мұндай вакциналарды жасау үшін екі жүзге жуық зертхана жұмыс істеп жатқанын айтып өтті.
«Коронавирусқа қарсы Pfizer/BioTech және Moderna компаниясының вакцинасы жақында сынақтан сәтті өтті. Олардың тиімділігі 95 пайыздан асқан. Бұл өте жоғары көрсеткіш. Екі вакцина матрицалық РНК-ның ең заманауи технологиясына негізделген. Оның басты ерекшелігі тек антиденелердің бөлінуіне ғана емес әрі жасушалық иммундық әсеріне де ықпал етеді», деді ол.
Айтуынша, 2021 жылы бірнеше миллиард дозада түрлі вакциналар өндіріледі.
Профессор вакциналар адамзатқа пандемиядан қорғайтын иммунологиялық қабатты қалыптастыруға көмектесетінін айтты. Алайда ағзада коронавирусқа қарсы бейтарап антиденелердің қаншалықты ұзақ сақталатыны және адамның қанша уақытқа иммунитетке ие болатыны әлі де белгісіз. Соған байланысты кейбір жасалып жатқан вакциналар екі немесе одан да көп екпені қажет етуі мүмкін.
