Білім • 24 Желтоқсан, 2020

ҰБТ тапсыратын оқушылар дәстүрлі форматта оқиды

163 рет көрсетілді

Білім және ғылым министрлігінің Ведомствоаралық комиссиясы мектеп оқушыларын үшінші тоқсанда оқыту тәртібіне қатысты шешім шығарды, деп хабарлайды Egemen.kz

Бұған дейін министр үшінші тоқсаннан бастап ҰБТ және мемлекеттік емтихан тапсыратын пәндер дәстүрлі форматта оқытылатынын мәлім еткен еді.

Асхат Аймағамбетов министрліктің аппарат отырысында: «Әсіресе ҰБТ және мемлекеттік емтихан тапсыратын пәндер, сонымен қатар қиындық тудырып отырған пәндер де дәстүрлі форматта оқытылады. Сондықтан бұл мәселе бойынша сабақ кестесіне дейін әдістемелік ұсынымдарды дайындап, бүгін жібереміз. Үшінші тоқсаннан бастап талқыланған тәртіп бойынша жұмыс жүргіземіз», деп айтып өтті.

Бүгінгі баспасөз мәслихатында министр бұл өте маңызды шешім екенін және бұл оқу тәртібі мемлекеттік емтихан тапсыратын балаларға да тікелей қатысты екенін баса айтты.

"Мектеп түлектері жайлы айтып отырмын. Оларға білім алудың маңызы өте зор. Сол себепті біз оқушылардың 70 пайызы дәстүрлі форматта, ал 30 пайызы қашықтан оқитынын айтып отырмыз. Әсіресе Ұлттық бірыңғай тестілеуге байланысты пәндер дәстүрлі форматта оқытылады. Қалғанын қашықтан оқытамыз», деді министр.

Ол сонымен қатар бұл ретте санитарлық талаптар қалай сақталатынын айтып өтті.

«Бір кабинет болады. Қоңырау әртүрлі уақытта соғылады. Әлеуметтік қашықтық сақталады. Бұған дейінгі санитарлық талаптар күшінде қалады. Өзгеріс жоқ. Біз Білім және ғылым министрлігі ретінде балалардың дәстүрлі форматта оқуын қалаймыз. Алайда басқа мемлекеттік органдардың құзыретіне жататын санитарлық нормалар тағы бар», дейді Асхат Аймағамбетов.

Соңғы жаңалықтар

Қилы-қилы тағдырлар

Тарих • Кеше

Бір шаңырақтан – үш майдангер

Руханият • 08 Мамыр, 2021

Қазақ дегеніміз – Бауыржан...

Руханият • 08 Мамыр, 2021

505-ші түрменің тұтқындары

Тарих • 08 Мамыр, 2021

Ардагерлер азайып бара жатыр...

Қазақстан • 07 Мамыр, 2021

Ұқсас жаңалықтар