Абай • 25 Желтоқсан, 2020

«Абай жолы» тарихи драмасы көрсетіледі

183 рет көрсетілді

26 және 27 желтоқсан күндері сағат 15.00-де «Хабар» телеарнасында «Абай жолы» тарихи сериалының тұсаукесері болады. Фильм қазақтың ұлы ақыны және ағартушысының 175 жылдығына арналған. Телехикая 6 бөлімнен тұрады және ақын өмірінің үш кезеңін қамтиды, деп хабарлайды Egemen.kz.

«Сериалда үш кезеңдегі оқиғалар суреттелген. Түсірілім жұмыстары Алматы облысында және  Семей қалаларында өтті. Көрермендерге бұл сериал ұнайтынына сенімдімін», - деді жоба продюсері Батыр Сазаханов.      

Сценарий авторлары - Мұрат Есжан, Ұларбек Нұрғалымұлы, Мақпал Мадиярова. Сценарийдің кеңесші қазақ жазушысы, драматург, Қазақстанның еңбек сіңірген қайраткері - Роза Мұқанова болды. Жоба директоры - Мұрат Есжан. 

Фильм Мұхтар Әуезовтің «Абай жолы» роман-эпопеясының құрылу тарихын кезең-кезеңімен жаңғырту арқылы ұлы ақынның өмірі мен шығармашылық ерлігін ашады. Мұхтар Әуезов Абай өмірі туралы негізгі әдеби шығармаға жастайынан кіріскен. Кеңес жазушысы бірнеше онжылдықтар бойы мыңдаған адамдардан ақын туралы мәліметтер жинаған. Осы жылдары қазақ даласында ауыр саяси өзгерістер орын алды. Сталиндік қуғын-сүргін Мұхтар Әуезовті де айналып өткен жоқ. Роман авторы бірнеше рет түрмеге жабылды. Алайда бұл жағдайлар жазушының «Әлем әдебиеті кітапханасына» енген романды  жазып шығаруына кедергі келтірмеді. 

Сериалға танымал қазақстандық актерлер түсті. Абай рөлін Айдос Бектемір сомдаса, Мұхтар Әуезовтің жас кезін - Нұрлан Әлімжан сомдады, Ғалия рөлінде - Камшат Жолдыбаева, Әбіштің рөлінде - Кенен Ақүрпеков, Әйгерімнің рөлінде - Аян Қожбанова, Қайымның рөлінде Еркебұлан Дайыров ойнады.            

Соңғы жаңалықтар

11 тамызға арналған валюта бағамы

Экономика • Бүгін, 09:40

Екінші айналымға шықты

Теннис • Бүгін, 08:39

Исламиаданы сәтті бастады

Спорт • Бүгін, 08:37

Алуан ауруды анықтайтын аппарат

Медицина • Бүгін, 08:30

Ұлы шайыр ұлықталған күн

Абай • Бүгін, 08:20

Абай мұрасы асқақтады

Абай • Бүгін, 00:04

Ұлттық мереке

Абай • Бүгін, 00:02

Ет мәселесіне еп керек

Экономика • Бүгін, 00:01

Ұқсас жаңалықтар