«Өңірде жұмыртқаның тапшылығын болдырмау мақсатында біршама жұмыстар атқарылуда. Апта басында үш миллион жұмыртқа әкелу жоспарланып, бүгінде екі миллион данасы келді. Алдағы демалыс күндері де жеткізіледі. Қосымша екі миллион дана жұмыртқа тағы алынады. Яғни, мерекеге дейін барлығы бес миллион дана жұмыртқа әкелінеді. Өңірде жұмыртқаға тапшылық болмайды. Әлеуметтік маңызы бар азық-түлік бағасы тұрақты. Мереке қарсаңында бағаның өсуін болдырмау мақсатында 27 желтоқсанда ауыл шаруашылығы өнімдерінің жәрмеңкесі өтеді. Жеті аудан өз өнімдерін арзан бағада ұсынады», - деді Шахмардан Сұлтанбекұлы.
