Сайлау • 28 Желтоқсан, 2020

Шаруаның еңбегі шалқысын десек...

171 рет
көрсетілді
3 мин
оқу үшін

«Ауыл» Халықтық-демократиялық патриоттық партиясының сайлауалды үгіт-насихат жұмыстары жалғасуда. Аталған партияның атынан Парламент Мәжілісіне және мәслихаттарға депутаттыққа кандидаттар еліміздегі қалалар мен аудандарды, ауылдарды аралап, тұрғындармен, еңбек ұжымдарымен кездесуде.

Шаруаның еңбегі шалқысын десек...

Мәселен, кандидаттар Қ.Айтуғанов, Т.Зейнуллина, К.Алияқпарова, И.Скуловец, Г.Крапивенко және М.Андреева «Ауылдан ауылға» акциясының аясында Қарағанды облысының Осакаров ауданында орналасқан «Найдоровское» ЖШС-де болып, осы ауданға қарасты Ақпан ауылының тұрғындарымен кездесті.

Ауыл тұрғындарымен кездесу кезінде кандидат Т.Зейнуллин «Ауыл» партиясы ауыл мен ауыл шаруашылығын дамытуды басты басымдық ретінде айқындағанын атап өтті. Партия өкілі кейінгі 20 жылда мемлекет экономиканы индустрияландырумен ғана айналысқанын және соның салдарынан ауылдағы мәселелер шешілмегенін айтты.

«Найдоровское» жауапкершілігі шектеулі серіктестік қызметімен танысу барысында Парламент Мәжілісі депутаттығына кандидат Қ.Айтуғанов кәсіпорын қызметкерлерін Қазақстанды аграрлық мемлекетке айналдыруға ша­қыр­ды. Сондай-ақ осы бастаманы қаржы­лық қамтамасыз етуге қатысты өз ойымен бөліс­ті. Қазіргі уақытта көптеген шаруа субси­дия мен жеңілдетілген несиелерге қол жеткізе алмайды. Ондай қолдауларсыз ауыл шаруашылығымен айналысу аса қиын.

Қ.Айтуғанов Қазақстанда несиені ең төменгі пайызбен (2%) 20 және одан да көп жылға беруге болады деген пікірде. Ал ауыл тұрғындары үшін қаржыны тіпті кепілсіз етуге болады деп есептейді. Шенеуніктер мен қаржы институттарының басшылары мұндай батыл шешім қабылдауға қауқарсыз. Партия бұған «Азық-түлік қауіпсіздігі туралы» заңды қабылдау арқылы қол жет­кізуге ниетті. Ұсынылып отырған заң жоба­сының негізгі мақсаты – аграрлық саланы экономи­каның басқа салаларынан басым деп тану және оның субъектілеріне үй шаруа­шылықтарынан бас­тап қайта өңдеу кәсіпорындарына дейін қолдау көрсету.

– «Ауылдықтар» партияның сайлауалды бағдарламасы жүзеге асырылып, нақты шараларға негізделетініне сенімді. Жанар-жағармай мен жемшөпті субсидиялау жөніндегі ұсыныстарымыз өте өзекті. Жем-шөп бағасының жоғары болуына байланысты ауыл тұрғындары үшін мал басын арттыру қиынға соғады, – дейді Қ.Айтуғанов.

Осы партияның атынан Осакаров аудан­дық мәслихатының депутаттығына кандидат Г.Крапивенко партияның әлеуметтік мәсе­лелерді шешу жөніндегі жоспарларына тоқталды. Оның айтуынша, ауыл тұрғын­дарына аудандық әлеуметтік көмек көрсе­ту орталығына құжаттар жинау үшін қайта-қайта бара беру қиындық туғызады. Сон­дықтан көбісі бұл сабылыстан шаршап, әлеуметтік көмек алуға тырыспайтын көрінеді.

«Ауылдықтардың» сөзін қолдаған Ақ­пан ауылының әйелдері балалы отбасыларға мемлекет қолдауына үміткер болу үшін өз табысының төмен деңгейін дәлелдеуге тура келетініне наразылық білдірді. Олардың пікірінше, бала тууына байланысты, бала бір жасқа толғанға дейін оның күтіміне бай­ланысты төленетін әлеуметтік төлемдер қыс­қа мерзімді және ештеңеге жетпейді. Ал «Ауыл» партиясы болса өзінің сайлауалды тұғырнамасында отбасындағы балалар саны мен табыс деңгейіне қарамастан, әрбір балаға 18 жасқа толғанға дейін  жәрдемақы төлеуді ұсынып отыр.