Аймақтар • 03 Қаңтар, 2021

Алматы кітапханалары жаңа жұмыс форматына көшеді

1062 рет
көрсетілді
2 мин
оқу үшін

Мегаполисте Орталықтандырылған кітапханалар жүйесі нысандарын модернизациялау жүріп жатыр, деп хабарлайды Egemen.kz

Алматы кітапханалары жаңа жұмыс форматына көшеді

1Кітапханаларды модернизациялаудың басты міндеті – қызметтердің сапалы жаңа жүйесін құру, кітапханаларды білім алу, коммуникация және бос уақытты өткізу үшін көпфункционалды орталықтарға айналдыру.

Қалалықтардың оқуға, азаматтық, шығармашылық, зияткерлік әлеуетін ашуға қызығушылығын арттыру үшін қаланың әр аудандарында орналасқан 25 кітапхананың филиалдары модернизациялануда.

Солардың бірі – Жамбыл атындағы қалалық жасөспірімдер кітапханасы, мұнда күн сайын 500-ден 1,5 мыңға дейін оқырмандар келетін заманауи оқу орталығы құрылды.

2019 жылы №№ 15, 20, 24, 32, 33 филиал кітапханалары қайта жасалды, 2020 жылы тағы 10, №№ 1, 4, 6, 26, 29, 30 кітапханалар жаңартылды, Чехов атындағы Орталық қалалық кітапхана, Крылов атындағы Қалалық балалар кітапханасы, Қазақстан жазушыларының кітапханалары.

Кітапханалардың заманауи дизайны уақытты жақсы өткізуге мүмкіндік береді, бұл шығармашылық оқырмандар қауымдастығының кездесулерін, шеберлік сыныптарын және қызықты адамдармен кездесулері үшін ыңғайлы алаң.

Кітап қоры Интернетте жалпыға қолжетімді, жайлы бөлмелер жабдықталған, пайдалы ақпаратты жылдам табуға көмектесетін заманауи технологиялар қолданылады. Балалар мен жас оқырмандар үшін ойындарға, демалуға және кітап оқуға қолайлы жағдайлар жасалған.

Модернизациядан кейін жаңа кітапханалар тек кітап оқитын орын ғана емес, сонымен қатар алматылықтар өздерінің шығармашылық әлеуетін іске асыратын, демалып, жүздесетін орынға айналады. Сонымен қатар, жаңа кітапханалар әртүрлі санаттағы оқырмандар үшін еркін үйірмелер жұмысын ұйымдастыруда.

2020 жылдың желтоқсанында «ALATAU CREATIV HAB» жаңа шығармашылық орталығы ашылды. Мұнда тұрғындарға жаңа кітапхананың жұмысы ұсынылады, балаларға арналған білім беру іс-шаралары, презентациялар, тренингтер және 20 тегін үйірмелердің жұмыстары ұйымдастырылған.

2021 жылы кітапхана жүйесін модернизациялау қалған үш кітапхана филиалдарында жүзеге асады, олар: №39 балалар филиалы (Достық даңғылы, 111/4), №14 бұқаралық кітапхана филиалы (Римский-Корсакова көшесі, 3) және Бегалин атындағы орталық қалалық балалар кітапханасы.