Аймақтар • 05 Қаңтар, 2021

Қызылорда облысында киік атқандар ұсталды

235 рет

көрсетілді

1 мин

оқу үшін

Қызылорда облысында киік ату дерегі тіркелді. «Құқық тәртібі» жедел-профилактикалық іс шарасы барысында Қазақстан Республикасы ІІМ Байқоңыр қаласындағы өкілдігінің қызметкерлері түнгі сағат 03.20 шамасында Төретам кентінен «Батыс Еуропа – Батыс Қытай» тас жолына шығатын жолда «Лада Ларгус» маркалы автокөлікті тоқтатады. Тексеру барысында автокөліктің жүксалғышынан 4 бас киік ұшасы табылды. Бұдан бөлек, жүксалғыштан 1 қоян, 12 калибрлі екі аңшы мылтығы мен оқ дәрілер айғақ зат ретінде алынды, деп хабарлайды Egemen.kz.

Мұрат ЖЕТПІСБАЕВ

Қызылорда облысында киік атқандар ұсталды

Киік атқан екі күдіктіге қатысты Қазақстан Республикасы Қылмыстық кодексінің 339-бабы 2-бөлігінің 2-тармағымен сотқа дейінгі тергеп – тексеру амалдары жүргізілуде. Қазір күдіктілерге қатысты бұлтартпау шарасын таңдау мәселесі шешілуде.

Барлық қажетті сараптамалар тағайындалды. Полицейлер оқиғаның мән – жайларын анықтауда.