Саясат • 06 Қаңтар, 2021

Алда тұрған міндеттер ауқымды

67 рет көрсетілді

Nur Otannyń республикалық сайлауалды штабы Қостанай облысына барды. Мұнда партия өкілдері қала мен ауыл тұрғындарымен, неркәсіп кәсіпорындарының ұжымдарымен, зиялы қауым өкілдерімен, жастармен, кәсіпкер әйелдермен және басқа да азаматтармен 20 кездесу өткізді.

«СарыарқаАвтоПром» зауытының жұмысшыларымен кездесуде республи­калық штаб мүшелері партияның сайлауалды бағдарламасын таныстырды.

Алдағы 5 жылда облыста 80 мыңнан астам жаңа жұмыс орнын ашу, 2,8 мың км автожол салу және жөндеу, 100 мыңдай ауыл тұрғынын сапалы ауыз сумен қамтамасыз ету, әлеуметтік мұқтаж азаматтарға 9 мың пәтер ұсына отырып, 2 млн шаршы метрден астам тұрғын үй салу және басқа да жобалар жоспарлануда.

Бұдан кейін нұротандықтар өңірдің зия­лы қауым өкілдерімен ұлттық мәде­ниет пен руханиятты дамыту, қоғамда бірлік пен келісімді нығайту мәселелерін талқылады. Сонымен қатар кездесуде әйгілі ағартушы-педагог Ыбырай Алтынсариннің 180 жылдығына орай партия қолдауымен Қостанай өңірінде республикалық айтыс өткізу және Алматы, Нұр-Сұлтан қалаларында оған арналған ескерткіш орнату жайы да қозғалды.

«Елбасы, партия Лидері Нұрсұлтан Назарбаев Nur Otannyń сайлауалды съезінде атап өткендей, Қазақстан тәуел­сіздік жылдарында этностық әр­түр­­лілікті артықшылыққа айналдырып, өзінің ұлттық бірегей стандартын қа­лып­тастырды. Nur Otan партиясы Қазақстан халқы Ассамблеясымен бірге қоғамда өзара құрмет пен барша азаматтың теңдігі құн­дылығын дәріптеуді әрі қарай жалғас­тыра береді. Кемсітушілікті көзде­ген кез келген келеңсіз әрекеттің жолы кесі­леді. Сондай-ақ шекара маңындағы аумақ­тарды дамыту және мемлекеттік тілдің барлық саладағы қолданысын кеңейту қамтамасыз етіледі. Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында атап көрсеткендей, «қазақ тілін, шын мәнінде, бүкіл халықты біріктіруші факторға ай­нал­дырудың барлық құқықтық тәсілдері және кепілдіктері қалыптасты», деп атап өтті Республикалық сайлауалды штаб жетек­шісі Бауыржан Байбек.

Осы күні партия өкілдері Рудный қа­ла­­сы­ның тұрғындарымен де кездесіп, қа­ла­­лық­тарды толғандырып жүрген сұ­рақ­­тарға жауап берді. Партия баспасөз қыз­­метінің хабарлауынша, «Өзгерістер жолы: Әр азаматқа лайықты өмір!» сай­лауал­­ды бағдарламасының маңызды ба­сым­­дықтарының бірі – шағын және моно­қала­ларды қоса алғанда, өңірлерді әрі қарай дамыту. Бұл үшін шағын қалаларда жол­дар­ды, инженерлік инфрақұрылымды салу және реконструкциялау және т.б. жос­­пар­ланып жатыр. Моноқалаларды дамыту­­да жүйе құраушы кәсіпорындардың рөлі ар­та­ды. Жастар бастамаларын қолдау үшін ар­найы ресурстық орталықтар құрылады.

Жалпы, 5 жылда Nur Otan партия­сы 977 мың қазақстандық отбасы үшін 100 млн-нан астам шаршы метр тұр­ғын үйді пайдалануға беруді, 25 мың респуб­лика­лық, сонымен қатар 27 мың км жергілікті жолдар салу мен реконструкциялауды қамтамасыз етуді жоспарлап отыр.

Праймериз кезінде жинаған түйткілді мәселелерді талдау негізінде Nur Otan нақты Рудный қаласында жаңа тұрғын үйлерді қолданысқа енгізуді, аулаларды абаттандырып, балалардың ойын алаңқайларын салуды, жылу, су және кәріз желілерін жаңғыртуды алдына міндет етіп қойып отыр.

 

Соңғы жаңалықтар

Әділ қазы – қоғамның құты

Саясат • Бүгін, 00:16

Қылмысты құрықтау кезеңі

Қоғам • Бүгін, 00:11

Қандастың басын қосқан жиын

Қазақстан • Бүгін, 00:05

Әлемнің Әуезові

Әдебиет • Бүгін, 00:03

Түгел түркінің тұлғасы

Қазақстан • Бүгін, 00:01

Болат жолдың майталманы

Қазақстан • Кеше

Аюхановтың арманы

Театр • Кеше

Заманауи кітапхана

Сұхбат • Кеше

Цифрлық таңбалау жүйесі

Қазақстан • Кеше

Көліктер QR-код тағады

Қазақстан • Кеше

Жол жөнделсе, іске сеп

Аймақтар • Кеше

Ұқсас жаңалықтар