Еңбектің авторы, қазақ спортының тарихшысы, белгілі қаламгер Қыдырбек Рысбек 35 жылғы жиған-терген және 3 жылғы табанды еңбектің нәтижесінде «Қазақтың 72 бапкері» кітабы өмірге келді.
Сонымен қоса Олимпиада ойындарының, әлем чемпионаттары мен Азия, Еуропа, Кеңес одағы біріншіліктерінің жеңімпаздары мен жүлдегерлерін баптаған 72 жаттықтырушы туралы деректі мақалаларға қосымша кітаптың орта тұсындағы жапсырмада бірнеше белді бапкерлер мен спорт қайраткерлері, спортшылар жайлы деректер мен суреттер бар.
Бұл еңбекке 500-ден астам қазақ спортшыларының аты-жөндері, жеңіс жолдары арқау болған.
