Аймақтар • 08 Қаңтар, 2021

Нұр-Сұлтанда 2021 жылы 40 мың оқушы орны ашылады

13 рет көрсетілді

Бұл туралы Нұр-Сұлтан қаласы әкімдігінің ресми сайтында жарияланды деп хабарлайды Egemen.kz

Фото: Александр Куприенко

Нұр-Сұлтан қаласының әкімдігі мектеп құрылысы бойынша жүйелі жұмыс жүргізуде. 2020 жылы 2019 жылмен салыстырғанда екі есе көп мектеп салынды және пайдалануға берілді, бұл 12 оқу орны, оның ішінде бұрын мектептер болмаған тұрғын үй алаптарында балалар бейімделген үй-жайларда оқыды. Елорда әкімі Алтай Көлгінов аралау барысында бірқатар жаңа мектептерге (№60 мектеп-лицей, №40 мектеп-лицей, №31 мектеп-гимназия) барып, тапсырма берді. Биыл 2020 жылмен салыстырғанда екі есе көп оқушы орны құрылады. Бұл 2019 жылмен салыстырғанда 4 есе көп.

«Білім беру сапасына назар аудару және ол үшін жағдай жасау өте маңызды. Халықтың өсуін және үш ауысымды және тығыздалған оқыту режимі бар мектептерді қысқарту қажеттілігін ескере отырып, жыл сайын елордада кемінде 10 мектеп салу қажет. Өткен жылы 12 мектеп салынды, бұл алдыңғы жылмен салыстырғанда екі есе көп. Биыл оқушыларға арналған орын санын тағы екі есеге арттырамыз. Бұл – 20 мың оқушы орны, ал екі ауысымда 40 мың оқушы орны болмақ.

№60 мектеп-лицейі (Сарыарқа ауданы) екі ғимараттан тұрады және 2400 орынға есептелген (екі ауысымда 4800). Мұнда бес мыңнан астам оқушы оқиды. Қосымша жұмыс істеп тұрған аумақта мектеп салынды, ол екі ауысымда тағы 1100 орын құрады. Осылайша, олар мектептің тығыздығын төмендетіп, оқушыларға арналған жаңа орындар құрды.

№40 мектеп-лицейі (Сарыарқа ауданы) 17 жыл бұрын салынған. Жобалық қуаттылығы 850 орын (екі ауысымда – 1700), 2 мыңға жуық оқушы оқиды. Аталған мектеп аумағында мың орынға (екі ауысымда) арналған тағы бір толыққанды ғимарат салынды.

Осылайша, үш ауысымды оқыту мәселесі шешілді. Сонымен қатар, аталған мектепті жылыту қазандығынан орталық мектепке ауыстыруды тапсырдым. Бұл жыл сайын мектепті жылытуға 100 млн теңгеге дейін үнемдеуге мүмкіндік береді.

Сондай-ақ, 45 жыл бұрын салынған № 31 мектеп-гимназиясына (Байқоңыр ауданы) бардым. Мұнда 2700-ден астам оқушы оқиды. 1400 орындық жаңа ғимарат есебінен үш ауысымда оқыту мәселесі шешілді. Сонымен қатар, қазіргі мектепте күрделі жөндеу жүргізуді тапсырдым. Президенттің тапсырмасы бойынша мектептерді салу және жөндеу жұмыстарын алдағы жылдары да жалғастыратын боламыз», — деді елорда әкімі Алтай Көлгінов.

Үш ауысымда оқытатын мектептер саны 8-ден 4-ке дейін, ал тығыздалған режимі бар мектептер саны 22-ден 14-ке дейін қысқарды. Сонымен қатар, елордада бірқатар мектептер салынып жатыр, олардың арасында жеке инвестициялар тарту есебінен салынғандары да бар. Кешенді жоспар аясында 5 жылдық кезеңге 50-ге жуық мемлекеттік мектеп салу жоспарланған. Сондай-ақ, Мемлекет басшысы барған №23 орта мектептің (Өндіріс тұрғын алабы) аумағында бес қабатты мектептің құрылысы жүргізіліп жатыр.

Соңғы жаңалықтар

Пневмониядан 1 адам қайтыс болды

Коронавирус • Бүгін, 09:22

Сартай батырдың ашамайы

Руханият • Бүгін, 08:07

Екпе салдыру – өз еркіңізде

Медицина • Бүгін, 07:54

Тарих ғылымының көшбасшысы

Оқиға • Бүгін, 07:54

Мұнайлы өңірге – мың доза

Медицина • Бүгін, 07:52

ДСҰ: Өтпелі кезең аяқталды

Экономика • Бүгін, 07:37

Әке жолын жалғар ұл

Аймақтар • Бүгін, 07:35

Ұқсас жаңалықтар