Сонымен қатар, 67 азамат алкогольді ішімдіктер ішкені және қоғамдық орындарға мас күйінде келгені үшін жауапкершілікке тартылған. Қоғамдық орындарда бұзушылықтың 32 дерегі және абаттандыру ережелерін бұзудың 40 дерегі, қала мен елді мекеннің жасыл екпелерін жою және бүлдіру, тыныштық пен қоғамдық тәртіпті бұзудың 15 дерегі анықталған.
«Қоғамдық тәртіпті сақтау және қоғамдық қауіпсіздікті қамтамасыз ету мақсатында Жамбыл облысында мереке күндері халық көп жиналатын орындар мен өзге де қоғамдық пайдалану орындарын патрульдеуді жүзеге асырған түрлі қызметтерден 3000-нан астам полиция қызметкері жұмылдырылды. Оның ішінде облыстың әрбір ойын-сауық мекемесіне карантиндік шектеулерді сақтау және коронавирустық инфекцияның таралуына жол бермеу мақсатында кезекші жасақтар бекітілді», делінген облыстық Полиция департаменті таратқан ақпаратта.
Ал учаскелік полицейлердің әкімшілік учаскелердегі үйлердің тұрғындарымен чаттардағы жұмыстары күшейтіліп, жалдамалы пәтер иелеріне ерекше көңіл бөлінген.
Жаңа жыл қарсаңында барлық әкімшілік учаскелерде көптеген қонақтың жиналуына жол бермеу туралы түсіндіру жұмыстары ұйымдастырылған.
Сондай-ақ полицейлер тұрғындарға жаңажылдық демалыс күндерін қауіпсіз өткізу және пиротехникалық бұйымдарды пайдалану ережелерін пайдалану туралы ұсыныстар берген.
