– Жантүршігерлік апатта жақындарынан айрылған отбасылардың ауыр қайғысына ортақпын. Жаратушы олардың қайғыларын жеңілдетіп, қазаға ұшырағандардың жанын өзінің мейірімімен жарылқасын, – делінген жеделхатта.
Еске салайық, кеше Индонезияда Sriwijaya Air әуе компаниясының жолаушылар ұшағы апатқа ұшырады. Индонезия үкіметінің мәліметінше, бортта 65 адам болған, оның 53-і жолаушы (10 бала) және 12 экипаж мүшесі. Boeing 737-524 ұшағы Жакартадан ұшып шыққаннан соң 4 минуттан кейін теңізге құлаған. 2018 жылы Жакартада тағы бір ұшақ апаты болған еді. Lion Air әуе компаниясына тиесілі Boeing 737 MAX 8 әуе кемесі теңізге құлап, борттағы 189 адам қаза тапты.
