«Дауыс берген осы екен» деп, көз жұма дауыс беру дұрыс емес. Жан-жақты ойланған жөн. Өзінің білімі жетпесе, саясаттан хабары бар адаммен ақылдасып, таңдауын ой таразысына қайта-қайта салғаны абзал. Оған халықтың тағдыры, елдің игілігі үшін жасалып жатқан дүние деп қараған жөн. «Менің дауысым не шешеді? Менен басқалар беріп жатыр ғой» деген пікір жаңсақ. Біле білсеңіз, әділ өткен сайлауда бір дауыстың өзі бәрін өзгертіп жіберуі мүмкін. Барша жұрт сайлауға асқан жауапкершілікпен қараса игі. Өнер адамы ретінде бізде бұл маңызды оқиғадан шет қала алмаймыз. Азаматтық міндетімізді өтеп, өз даусымызды бердік.
Секен ТҰРЫСБЕКОВ,
Қазақстанның Еңбек сіңірген қайраткері, композитор
