Бұл науқанның тағы бір ерекшелігі пандемия жағдайында өтіп жатқандығы ғой. Соған орай санитарлық талаптарға баса мән беріліп, үйден дауыс беретіндер үшін де барлық жағдай жасалғанына көз жеткіздік.
Жалпы кез келген мемлекеттегі саяси жүйе уақыт талабына сай жаңарып, толығып отыруы тиіс. Осы тұрғыдан алғанда биылғы сайлаудағы жаңалықтарды жұрт жақсы қабылдады деген ойдамын. Енді елдің сенімін аяқ асты етпеу үшін партиялар да барын салады, өз орталарынан қазіргі талаптарды терең түсініп, соны шешу жолында ұтымды ұсыныс, пайымды пікір білдіре алатын лидерлерді сайлайды деп сенемін.
Жалпы бұл сайлау елдің ертеңге деген сенімінің көрінісіндей болды. Ал оны ақтау халық қалаулысы атануға талап қылған барлық азаматқа сын.
Бақберген ДОСМАМБЕТОВ,
мемлекет және қоғам қайраткері,
экономика ғылымдарының докторы, профессор,
Ұлттық ғылым акдемиясының корреспондент мүшесі
