Sailau Talks-2021: Қоғам қайраткерлері мен саясаткерлердің пікірі қандай?

Сайлау • 10 Қаңтар, 2021

Sailau Talks-2021: Қоғам қайраткерлері мен саясаткерлердің пікірі қандай?

42 рет көрсетілді

Қоғам қайраткерлері мен саясаткерлер Парламент сайлауының ерекшелігі, Қазақстанның саяси реформалары мен жалпы сайлау кампаниясының ұйымдастырылуы мен өткізілуін және сайлаудың маңыздылығын талқылады, деп хабарлайды Egemen.kz.

Динар КЕРІМ

Қазақстан саяси ғылымдар қауымдастығы ұйымдастырып отырған Sailau Talks-2021 жобасына Эмин Аскеров, Талғат Қалиев, Расул Жұмалы, Александр Данилов, Дастан Көшербаев және т.б. сарапшылар қатысты.

Еуразиялық интеграция институты Коммуникативтік іс-шаралар және визуалды жобалар орталығының жетекшісі Арман Ешмұратовтың айтуынша бұл жолғы сайлаудың ерекшелігі – пропорционалды принцип ұстану.

"2021 жылдан бастап Қазақстанда депутаттыққа партия тізімі арқылы сайланады. Оның нәтижесі қалай болатынын көре жатармыз. Бұрын өзім мәслихатқа сайланғанмын. Ол кезде округтегі сайлаушылармен тығыз жұмыс істедім. Ал қазір партиялық тізімдегілер қалай жұмыс істегенін әлеуметтік желілер арқылы көруге болады. Олар көп жұмыс атқарды. Біз әр кандидаттың қандай жұмыс атқарғанын көріп отырдық. Болашақта әлеуметтік желілер арқылы үгіт-насихат жұмыстарын жүргізу шаралары көбейе береді деп ойлаймын. Бұл – өте жақсы. Бұл аймақтық сайлау үшін – жаңашылдық. Партиялық сайлауалды бағдарламалар қалай жүзеге асатынын уақыт көрсетеді", дейді ол.

Сондай-ақ, Қазақстан стратегиялық зерттеулер институтының жетекші ғылыми қызметкері Алмас Арзықұлов бұрынғы сайлау мен қазіргі сайлаудың ерекшелігіне тоқталып өтті.

"Бұрын сайлау кезінде үгіт-насихат тобы аймақтарға шығып, үлкен залдарда әртүрлі ұжыммен кездесетін. Пандемияға байланысты ол шаралар қысқарды, бірақ барынша әлеуметтік арақашықтықты сақтай отырып, аздаған адаммен кездесулер болды. Бұрыннан бар үш партия жергілікті жерлерде өз жұмысын жүргізді, ал кейін қосылған партиялар жергілікті жерлерде өкілдерінің аз болуына байланысты олардың жұмысын орталықтан барған топтар жүргізді", деді Арман Ешмұратов.