Теннис • 11 Қаңтар, 2021

Турнирдің ширек финалына шықты

7 рет көрсетілді

Қазақстандық теннисші Елена Рыбакина Әбу-Дабиде өтіп жатқан халықаралық турнирдің ¼ финалына жолдама алды.

Жарыстың екінші айналымында отандасымыз WTA рейтингінде 123-орында тұрған қытайлық Ван Сиюмен кездесіп, екі сетте 6:4, 6:4 есебімен басым түсті. Екі теннисші бұған дейін бір-бірімен 2017 жылы US Open-де жолығып, ол ойында да Рыбакина 7:5, 6:1 есебімен айқын жеңіске жеткен-ді.

Отандасымыз үшінші айналымдағы кездесуін күні кеше әлемдік рейтингте 72-орынға жайғасқан Дарья Касаткинамен өткізіп, бұл жолы да матч­ты екі сеттен (6:3, 6:4) ары асырған жоқ. Былтыр қарсыластар өзара бірінші рет кездесіп, онда ресейлік теннисші басым түскен еді. Бұл жолы жерлесіміз есе қайтаруға мүмкіндік алды. Енді Е.Рыбакина ширек финалда әлемнің 10, осы доданың 4-ракеткасы Арина Соболенкомен (Беларусь) шеберлік байқасады.

Қазақстандық Юлия Путинцеваның да үшінші кезеңге өткенін айта кетейік.

Соңғы жаңалықтар

СҚО «қызыл аймаққа» енді

Аймақтар • Бүгін, 21:33

Инфляцияның беті қайтпай тұр

Экономика • Бүгін, 20:00

Ұқсас жаңалықтар