Білім • 12 Қаңтар, 2021

Атырауда мүмкіндігі шектеулі оқушылар үшін арнаулы сыныптар ашылды

375 рет
көрсетілді
1 мин
оқу үшін

Облыстық білім басқармасы баспасөз қызметінің ақпаратына сүйенсек, 32 мектептегі осындай сыныптарда ерекше күтімді қажет ететін 581 оқушы білім алады. Оның ішінде 62 оқушы Қызылқоға ауданында тұрады, деп хабарлайды Egemen.kz

Атырауда мүмкіндігі шектеулі оқушылар үшін арнаулы сыныптар ашылды

«Миялы ауылында орналасқан Х.Досмұхамедұлы атындағы орта мектепте 21 оқушы инклюзивті білім алады. Оның алтауы үйінде дәріс алып отыр. Бесеуі психикалық дамуында тежелуі бар балаларға арналған  (ПДТ) сыныпта, қалғаны қатарластарымен бірге  оқиды», дейді мектеп директоры Гүлшара Сары.                                                                       

Оның мәліметінше, мектепте физика, информатика, химия, биология пәндері үш тілде оқытылады. Ал, 8-11-сыныптарға аталған пәндер  үйірме, факультатив сабақтың есебінен енгізіліпті.

«Мүмкіндігі шектеулі оқушыларға арнайы жеңілдетілген бағдарлама қарастырылды. Мектептің психологтары осындай оқушыларды коррекциялық жұмыстар арқылы тәрбиелейді. Оқушылар ойлау қабілетін дамытатын моторикалық ойындарға қатысып, жаттығулар жасайды», дейді мектептің педагог-психологы Баршагүл Сарсенғалиева.