13 қаңтар сағат 06.00-ден бастап республикалық маңыздылығы бар:
- «Нұр-Сұлтан қаласы – Теміртау қаласы» (Екатеринбург – Алматы жолының 1291-1426 шақырым аралығы);
- «Нұр-Сұлтан – Павлодар облысының шекарасы» (Нұр-Сұлтан – Ерейментау – Шідерті жолының 16 – 200 шақырым аралығы) трассалары ашылды.
Сондай-ақ сағат 06.15-тен бастап республикалық маңыздағы:
- «Қабанбай батыр ауылы – Қарағанды облысының шекарасы» (Нұр-Сұлтан қаласы – Қабанбай батыр ауылы – Киевка ауылы – Теміртау қаласы автожолының 36-51 шақырым аралығы) автожолында барлық көлік түрі үшін қозғалысқа қайта рұқсат берілді.
Еске сала кетейік, бұған дейін ауа райының қолайсыздығына байланысты Ақмола, Қостанай, Қарағанды, Павлодар, Солтүстік Қазақстан облыстарында бірқатар жолда көлік қозғалысы шектелді.
