Оқиға 2019 жылдың тамыз айынан бастау алыпты. Алаяқ «WhatsApp» желісінде «Ай-шуақ» тобын ашып, қаржылық пирамида құрып, оған басшылық жасаған. Топқа қосылған бірінші қатысушылар алғашқы салымдарын салып, 40 пайыз үстемесімен өз қаражаттарын қайтарып алып отырғаны белгілі болды. Жалпы айналымдағы қаржы 1 млрд 695 млн 538 мың теңгені құраған. Алаяқ кейіннен қосылған пирамида қатысушыларына құр уәдені үйіп-төгіп, көзден таса болған.
Осы аталған дерек бойынша Қазақстан Республикасының Қылмыстық кодексінің 217-бабының 3-бөлігінің 2-тармағымен сотқа дейінгі тергеп-тексеру амалдары жүргізілді. Қызылорда қалалық сотының шешімімен айыпталушы 5 жылға бас бостандығынан айырылды.
