Облыстық сыбайлас жемқорлыққа қарсы іс-қимыл департаментінің басшысы Қанат Сүлейменовтің мәліметінше, былтыр өңірде жемқорлық деңгейі 9%-ға төмендепті. Оның ішінде ауыр қылмыс жасау 1,6 есеге, жымқыру және алаяқтық 2 есеге азайыпты. Сондай-ақ 11 бизнес субьектісінің құқығы қорғалып, 1 миллиардтан астам теңге бюджетке қайтарылыпты.
«Соңғы екі жылда антикор қызметкерлерімен өңірде пара берген 480, кәсіпкерлікке заңсыз қол сұққан 713 дерек анықталды. Жемқорлықтың басым көпшілігі білім, ішкі істер, денсаулық саласында кездеседі» дейді Қанат Сүлейменов.
